وزیرِاعظم محمد شہباز شریف نے ملائیشیاء میں سیلاب کی تباہ کاریوں پرگہرے دکھ اورافسوس کا اظہارکیا ہے۔ 

وزیرِاعظم نے اپنے پیغام میں ملائیشیا کے وزیرِاعظم داتوسری انورابراہیم اورملائیشیا کےعوام کے ساتھ دلی اظہار یکجہتی کیا۔

وزیراعظم شہبازشریف نے تیس ہزارسے زائد متاثرہ لوگوں سے ہمدردی کا اظہارکرتے ہوئے کہا کہ پاکستان اورملائیشیا دیرینہ دوست اور برادر ممالک ہیں۔

انھوں نے اپنے کہا کہ ملائیشیا کے وزیراعظم داتو سری انور ابراہیم پاکستان کے دوست ہیں، مشکل کی اس گھڑی میں پاکستان انہیں تنہا نہیں چھوڑے گا۔

وزیراعذظم شہبازشریف نے کہا کہ دکھ کی اس گھڑی میں ملائیشیا کی عوام کے ساتھ کھڑے ہیں۔ پاکستان جس قدرہوسکا، ملائیشیا میں مصیبت زدہ اپنے بہن بھائیوں کی مدد کرے گا۔ ماحولیاتی تبدیلی کےمضراثرات پوری دنیا کو اپنی لپیٹ میں لے رہے ہیں۔ ماحولیاتی تبدیلی کو روکنے کیلئے پوری دنیا کو اکٹھا ہو کر اقدامات کرنے ہونگے۔

واضح رہے کہ ملائیشیا میں سیلاب کی تباہ کاریاں جاری ہیں، شدید بارشوں سے 6 ریاستوں میں سیلابی صورتحال سے 37،000 سے زائد افراد متاثر ہیں۔

ملائیشیا کے وزیراعظم کا کہنا ہے کہ بارشوں اورسیلاب سے ریاست کلانتان سب سے زیادہ متاثر ہوا، 30،582 افراد بے گھر ہوگئے ہیں، ملائیشیا بھر میں 322عارضی پناہ گاہیں قائم کردی گئیں۔