نائب وزیراعظم اور وزیر خارجہ اسحاق ڈار سے ایرانی وزیر خارجہ سید عباس عراقچی کی ملاقات ہوئی۔
ترجمان وزارت خارجہ ممتاز زہرا بلوچ کے مطابق ایرانی وزیر خارجہ سید عباس عراقچی اپنے وفد کے ہمراہ وزارت خارجہ پہنچے جہاں وزیر خارجہ اسحاق ڈار اور دیگر اعلیٰ حکام نے ان کا استقبال کیا۔
ترجمان دفتر خارجہ کے مطابق دونوں وزرائے خارجہ نے ملاقات میں گہرے اور مضبوط تعلقات پر روشنی ڈالی، وزرائے خارجہ نے تجارت، توانائی اور بارڈرمینجمنٹ میں مزید تعاون کا اعادہ کیا۔
ملاقات میں تجارت اور سرمایہ کاری کے ساتھ عوام کے باہمی روابط کے فروغ پر زور دیا گیا۔
ترجمان دفتر خارجہ کا کہنا تھا کہ وزیر خارجہ نے خطے میں امن وتعاون کیلئے ڈائیلاگ کی اہمیت کو اجاگر کیا اور ایرانی وزیرخارجہ نے خطے کے باہمی مفاد کیلئے مکمل معاونت کا اعادہ کیا۔
Advertisement
دونوں وزرائے خارجہ نے مشرق وسطیٰ کی صورتحال پر بھی بات چیت کی۔
ترجمان دفتر خارجہ کا مزید کہنا تھا کہ دونوں وزرائے خارجہ نے فلسطین میں جاری اسرائیلی مظالم کی مذمت کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
