جوڈیشل کمیشن نے سندھ ہائیکورٹ کے آئینی بنچز کے لیے 9 ججز کی نامزدگی کر دی

ویب ڈیسک

25th Nov, 2024. 06:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوڈیشل کمیشن نے سندھ ہائیکورٹ کے آئینی بنچز کے لیے 9 ججز کی نامزدگی کر دی

جوڈیشل کمیشن آف پاکستان نے سندھ ہائیکورٹ میں آئینی بنچز کی تشکیل کے لیے 9 ججز کی نامزدگی کر دی ہے۔

اس بنچ کی سربراہی جسٹس کے کے آغا کریں گے، جنہیں آئینی کمیٹی کا بھی سربراہ مقرر کیا گیا ہے۔ کمیٹی میں جسٹس کے کے آغا کے علاوہ جسٹس عمر سیال اور جسٹس محمد سلیم شامل ہوں گے۔

آئینی بنچز کے لیے جن ججز کو منتخب کیا گیا ہے، ان میں جسٹس ذوالفقار علی سانگی، جسٹس ارباب علی، جسٹس یوسف علی سید، جسٹس خادم حسین سومرو، اور جسٹس ثنا منہاس اکرام شامل ہیں۔

جوڈیشل کمیشن نے آئینی بنچز کی تشکیل کے حوالے سے اکثریتی رائے سے فیصلہ کیا، جس کے مطابق آئینی بنچز کے لیے 9 ججز کے حق میں 11 ووٹ آئے۔

اس فیصلے کے حوالے سے چیف جسٹس سندھ ہائیکورٹ جسٹس منصور علی شاہ اور جسٹس منیب اختر نے اختلافی رائے کا اظہار کیا، جبکہ چیف جسٹس آف پاکستان جسٹس یحییٰ آفریدی نے حق یا مخالفت میں کوئی ووٹ نہیں دیا۔

اجلاس میں دو ممبران، عمر ایوب اور شبلی فراز، شریک نہیں ہوئے۔ دونوں ممبران کے فون بند ہونے کی وجہ سے اجلاس کا آغاز تقریباً دو گھنٹے کی تاخیر سے 4 بجے ہوا۔