چیف جسٹس (ر) قاضی فائزعیسٰی کی تعیناتی کےخلاف نظرثانی درخواست خارج

ویب ڈیسک

14th Nov, 2024. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف جسٹس (ر) قاضی فائزعیسٰی کی تعیناتی کےخلاف نظرثانی درخواست خارج

سپریم کورٹ کے آئینی بینچ نے سابق چیف جسٹس پاکستان قاضی فائزعیسیٰ کی تعیناتی کےخلاف نظرثانی کی درخواست خارج کردی۔

سماعت کے دوران وکیل ریاض حنیف نے مؤقف اپنایا کہ کوئی شخص براہ راست چیف جسٹس تعینات نہیں ہوسکتا، پہلے بطورجج تعیناتی ہوتی ہے پھرچیف جسٹس بنایا جاتا ہے، وزیراعلیٰ بلوچستان نے قاضی فائزکی تعیناتی کی سمری نہیں بھیجی۔

جسٹس جمال مندوخیل نے کہا کہ نظرثانی میں دوبارہ اصل کیس نہیں کھول سکتے، عدالتی فیصلوں کے خلاف کوئی ایپلٹ بینچ نہیں ہے۔

جسٹس مسرت ہلالی نے ریمارکس دیے کہ مقدمات میں ذاتیات پرنہیں آتے، قاضی فائزعیسی کی جان اب چھوڑ دیں، یہ مقدمہ قانونی کم اورسیاسی زیادہ لگ رہا ہے، پیٹھ پیچھےکسی کی برائی کرنے کا کوئی فائدہ نہیں۔

جسٹس جمال مندوخیل نے کہا کہ غیرسنجیدہ درخواست پر کیوں نہ آپ کا کیس کارروائی کیلئے بار کونسل کو بھیجیں۔

جسٹس امین الدین کی سربراہی میں چھ رکنی آئینی بینچ نے کیس کی سماعت کی۔