بیلاروس کے صدر ایلیکزانڈر لوکاشینکو تین روزہ دورے پر پاکستان پہنچ گئے ہیں۔ وزیراعظم محمد شہباز شریف نے راولپنڈی کے پی اے ایف نور خان ائیر بیس پر بیلاروس کے صدر کا گرمجوشی سے استقبال کیا۔
اس موقع پر نائب وزیر اعظم اور وزیر خارجہ اسحاق ڈار، وزیر داخلہ محسن نقوی، وفاقی وزیر اطلاعات و نشریات عطاء اللہ تارڑ اور دیگر سینئر حکام بھی موجود تھے۔
صدر لوکاشینکو وزیراعظم محمد شہباز شریف کی دعوت پر 25 سے 27 نومبر 2024 تک پاکستان کا دورہ کر رہے ہیں۔ اس دوران بیلاروس کے صدر اور وزیراعظم کے درمیان اہم ملاقاتیں ہوں گی، اور دونوں ممالک کے درمیان وفود کی سطح پر بھی بات چیت کی جائے گی۔
دورے کے دوران بیلاروس اور پاکستان کے مابین مختلف شعبوں میں تعاون بڑھانے کے لیے مفاہمتی یادداشتوں پر دستخط بھی کیے جائیں گے۔ بیلاروس کے وزیر خارجہ کی قیادت میں 68 رکنی اعلیٰ سطحی وفد بھی گزشتہ روز پاکستان پہنچا تھا، جس میں بیلاروس کی کابینہ کے اہم وزراء، کاروباری شخصیات اور سرمایہ کار شامل ہیں۔
بیلاروس کے صدر کا دورہ پاکستان دونوں ممالک کے درمیان بڑھتی ہوئی شراکت داری اور تعاون کی عکاسی کرتا ہے اور دونوں ممالک کے تعلقات میں مزید استحکام کی جانب ایک اہم قدم ثابت ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
