حسن نواز کی کمپنی کو دیوالیہ قرار دینے پر ترجمان نواز شریف خاندان کا ردعمل

ویب ڈیسک

19th Nov, 2024. 12:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حسن نواز کی کمپنی کو دیوالیہ قرار دینے پر ترجمان نواز شریف خاندان کا ردعمل

برطانوی عدالت سے حسن نواز کی کمپنی کو دیوالیہ قرار دینے پر نواز شریف خاندان کے ترجمان کا ردعمل سامنے آ گیا۔

ترجمان نواز شریف خاندان کے مطابق دیوالیہ کرنے کے عمل کا آغاز 1972 سے ہوا، پہلی مرتبہ ذوالفقار بھٹو کے زمانے میں صنعتوں کو نیشنلائز کیا گیا۔

ترجمان کا کہنا تھا کہ مشرف نے یہی کام کیا، شریف خاندان کے گھروں پر قبضہ اور فیکٹریاں سیل کیں۔

ثاقب نثاراینڈ کمپنی نے اپنے دور میں شریف خاندان کی انڈسٹری کو تباہ کیا اور سزا دینے کیلیے شریف خاندان کے کاروبار کو 4 بار دیوالیہ کرایا جا چکا ہے۔

ترجمان نے کہا کہ شریف خاندان کیلئے یکے بعد دیگر ایسے اتار چڑھاؤ کوئی نئی بات نہیں ہے، ملک وقوم اور اصولوں کی خاطر شریف خاندان نے نجی کاروبار کے نقصانات برداشت کیے۔

ترجمان نواز شریف خاندان کے مطابق کمپنیز کے دیوالیہ ہونے کے عرصے میں ٹیکس نہیں دیا جاتا اور برطانوی عدالت نے حسن نواز کے مؤقف کو درست قرار دیا ہے۔