حکومت کی مؤثر حکمت عملی کی بدولت معیشت درست سمت میں گامزن، احسن اقبال

ویب ڈیسک

29th Nov, 2024. 06:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کی مؤثر حکمت عملی کی بدولت معیشت درست سمت میں گامزن، احسن اقبال

وفاقی وزیر منصوبہ بندی احسن اقبال نے کہا ہے کہ حکومت کی مؤثر حکمت عملی کی بدولت ملک کی معیشت درست سمت میں گامزن ہے۔

اسلام آباد میں ایک تقریب سے خطاب کرتے ہوئے انہوں نے کہا کہ جن ملکوں نے ترقی کی ہے، وہ سیاسی جھگڑوں کے بغیر کامیاب ہوئے ہیں۔

احسن اقبال نے مزید کہا کہ حکومت نے ملک کو ڈیفالٹ ہونے سے بچایا ہے اور اس وقت معیشت استحکام کی جانب بڑھ رہی ہے۔ ان کا کہنا تھا کہ مجموعی طور پر ملک کے اقتصادی اشاریے درست سمت میں جا رہے ہیں۔

وزیر منصوبہ بندی نے مہنگائی کی شرح میں کمی کا ذکر کرتے ہوئے کہا کہ مہنگائی میں کمی آئی ہے اور اسٹاک مارکیٹ ریکارڈ سطح پر ہے

تاہم، انہوں نے کہا کہ بڑھتی ہوئی آبادی اور سکڑتے وسائل ملک کے لیے چیلنج بنے ہوئے ہیں، ہماری آبادی تیزی سے بڑھ رہی ہے، اور یہی بڑھتی آبادی غربت کی بنیادی وجہ ہے۔

انہوں نے مزید کہا کہ ہمیں ٹیکس نیٹ بڑھانے کی ضرورت ہے، اور سب کو ملکی ترقی کے لیے اپنا کردار ادا کرنا ہوگا۔ احسن اقبال نے فی کس آمدنی میں اضافے پر بھی توجہ مرکوز کرنے کی ضرورت پر زور دیا اور کہا کہ معاشی استحکام کے لیے سیاسی استحکام بھی ضروری ہے۔

وفاقی وزیر منصوبہ بندی احسن اقبال نے مزید کہا کہ کسی بھی قوم کی خودمختاری کے لیے معیشت کا مضبوط ہونا ضروری ہے۔