مسلم لیگ ن کے رہنما طلال چوہدری کا کہنا ہے کہ پی ٹی آئی کا احتجاج صرف معافی لینے کیلیے کیا جا رہا ہے۔

طلال چوہدری نے کہا کہ کبھی ہیرے کی انگوٹھیاں، کبھی پورا توشہ خانہ کھا جانا کسی سے چھپا ہوا نہیں، بشریٰ بی بی حکومتی اختیارات ناجائز طور پر استعمال کرتی رہی ہیں۔

انہوں نے کہا کہ 24 نومبر بھی پی ٹی آئی کا پہلے کی طرح احتجاجی تاریخ کا اعلان ہے، پی ٹی آئی اندرونی طور پر شدید انتشار کا شکار ہو چکی ہے، پی ٹی آئی

پی ٹی آئی کو سیاسی مفادات کے سوا کسی چیز میں دلچسپی نہیں، پی ٹی آئی دور میں مہنگائی ہر احتجاج کے بعد نئی تاریخ کا اعلان کر دیتی ہے۔کی شرح 40 فیصد تھی جبکہ مسلم لیگ ن کے دور میں مہنگائی7 فیصد پر آگئی ہے۔

طلال چوہدری کا کہنا تھا کہ پی ٹی آئی بنیادی طور پر جماعت یتیم ہو چکی ہے، پی ٹی آئی کا اب کوئی پرسان حال نہیں ، یقین ہے 24 نومبر کے احتجاج کے بعد بھی پی ٹی آئی پھر معافی مانگے گی۔

ان کا کہنا تھا کہ پی ٹی آئی پر قبضے کے لیے مختلف گروپس دست وگریباں ہیں، ہر احتجاج پر کہا جاتا ہے یہ ہمارا فائنل اور فیصلہ کن احتجاج ہے، بہن اور بھابھی کی لڑائی ہے، مسئلہ پارٹی پر قبضے کا ہے۔

ریاست پر چڑھائی کرنے والوں کو کسی طور معاف نہیں کیا جا سکتا، اس احتجاج کا مقصد معافی کی بھیک مانگنا ہے، بشریٰ بی بی پی ٹی آئی پر قبضے کی خواہاں ہیں۔

پاکستان کی معیشت درست سمت میں گامزن ہے، غیرملکی پاکستان میں سرمایہ کاری کرنا چاہتے ہیں، بانی پی ٹی آئی کے بچے لندن میں عیاشی کر رہے ہیں، بانی پی ٹی آئی دوسروں کے بچوں کو داؤ پر لگانے پر تلے ہیں۔

مسلم لیگ ن کے رہنما طلال چوہدری نے مزید کہا کہ بار بار کسی طور بھی معافی مانگنے سے معافی نہیں مل سکتی۔