پاکستان میں بسنے والی ہندو برادری اپنا روشنیوں کا تہوار دیوالی مذہبی جوش و جذبے سے منارہی ہے۔

پاکستان میں دیوالی کے رنگ بکھر گئے، ہندو برادری کے مذہبی تہوار پر ملک بھر میں تقاریب کا اہتمام کیا گیا ہے۔

اس حوالے سے عمرکوٹ اور تھرپارکر میں بین المذاہب ہم آہنگی کا مظاہرہ دیکھنے میں آیا ہے۔

عمرکوٹ اور تھرپارکر کے مسلمانوں نے ہندو برادری کے دیوالی تہوار میں شریک ہوکر خوشیوں کو چار چاند لگا دیے۔

عمرکوٹ اور تھرپارکر کے مندروں میں دیوالی کے موقع پر خصوصی پوجا پاٹ کی تقریبات، مندروں اور گھروں کو دیوں سے سجادیا گیا۔

پاکستان میں بسنے والی ہندو برادری اپنے پیارے ملک کی سلامتی اور خوشحالی کی دعائیں مانگ رہی ہیں۔

بچے ہو یا بڑے سب پٹاخے پھوڑ کر دیوالی کی خوشیوں میں شریک ہیں۔

ضلع کے مرکزی شہروں میں مٹھائیوں، پٹاخوں کی دکانوں پر خریداری کیلئے بے پناہ رش نظر آ رہا ہے۔

بابائے قوم قائد محمد علی جناح کے احکامات کی روشنی میں ہر تہوار آزادانہ طور پر منایا جاتا ہے، دیوالی بھی جوش و جذبے سے منائی جارہی ہے۔

اس موقع پر ہندو برادی کے رہنماؤں کا کہنا تھا کہ ہمیں یہاں پر ہر طرح کی سیکورٹی اور آزادی حاصل ہے مسلم بھائی بھی ہماری خوشیوں میں شریک ہوتے ہیں۔