بیلاروس کا وفد اسلام آباد پہنچ گیا وزیر داخلہ محسن نقوی نے استقبال کیا

ویب ڈیسک

24th Nov, 2024. 07:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیلاروس کا وفد اسلام آباد پہنچ گیا وزیر داخلہ محسن نقوی نے استقبال کیا

بیلاروس کا 68 رکنی وفد اسلام آباد پہنچ گیا، جس کا وزیر داخلہ محسن نقوی نے استقبال کیا۔

اس وفد میں بیلاروس کے وزیر خارجہ میکسم ریجنکوف اور وزیر توانائی سمیت 8 وزرا شامل ہیں۔ وفد کے 43 ارکان کا تعلق تاجربرادری سے ہے، جو دونوں ممالک کے درمیان اقتصادی تعلقات کو مزید مستحکم کرنے کے لئے اہم ہیں۔

اس موقع پر ایڈیشنل سیکریٹری خارجہ برائے یورپ شفقت علی خان بھی موجود تھے۔ وزیر داخلہ محسن نقوی نے بیلاروس کے وزیر خارجہ اور وزیر توانائی سے ملاقات کی اور ان کا اسلام آباد آمد پر خیرمقدم کیا۔

انہوں نے کہا کہ بیلاروس کے صدر لوکا شینکو کا دورہ پاکستان کے لیے انتہائی اہمیت کا حامل ہے اور یہ دونوں ممالک کے درمیان تعلقات کو مزید مستحکم کرے گا۔

محسن نقوی نے اس موقع پر کہا کہ حکومت اور عوام بیلاروس کے صدر کی آمد کا انتظار کر رہے ہیں اور پاکستان بیلاروس کے ساتھ اپنے تعلقات کو قدر کی نگاہ سے دیکھتا ہے۔

وزیر داخلہ محسن نقوی نے مزید کہا کہ پاکستان دونوں ممالک کے درمیان مختلف شعبوں میں تعاون کو فروغ دینے کے لیے پرعزم ہے اور یہ دورہ اس تعاون میں اہم پیش رفت ثابت ہوگا۔