بیلاروس کا 68 رکنی وفد اسلام آباد پہنچ گیا، جس کا وزیر داخلہ محسن نقوی نے استقبال کیا۔
اس وفد میں بیلاروس کے وزیر خارجہ میکسم ریجنکوف اور وزیر توانائی سمیت 8 وزرا شامل ہیں۔ وفد کے 43 ارکان کا تعلق تاجربرادری سے ہے، جو دونوں ممالک کے درمیان اقتصادی تعلقات کو مزید مستحکم کرنے کے لئے اہم ہیں۔
اس موقع پر ایڈیشنل سیکریٹری خارجہ برائے یورپ شفقت علی خان بھی موجود تھے۔ وزیر داخلہ محسن نقوی نے بیلاروس کے وزیر خارجہ اور وزیر توانائی سے ملاقات کی اور ان کا اسلام آباد آمد پر خیرمقدم کیا۔
انہوں نے کہا کہ بیلاروس کے صدر لوکا شینکو کا دورہ پاکستان کے لیے انتہائی اہمیت کا حامل ہے اور یہ دونوں ممالک کے درمیان تعلقات کو مزید مستحکم کرے گا۔
محسن نقوی نے اس موقع پر کہا کہ حکومت اور عوام بیلاروس کے صدر کی آمد کا انتظار کر رہے ہیں اور پاکستان بیلاروس کے ساتھ اپنے تعلقات کو قدر کی نگاہ سے دیکھتا ہے۔
Advertisement
وزیر داخلہ محسن نقوی نے مزید کہا کہ پاکستان دونوں ممالک کے درمیان مختلف شعبوں میں تعاون کو فروغ دینے کے لیے پرعزم ہے اور یہ دورہ اس تعاون میں اہم پیش رفت ثابت ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
