اڈیالہ جیل کے باہرحراست میں لیے گئے پی ٹی آئی رہنماؤں کو چھوڑ دیا گیا

ویب ڈیسک

12th Nov, 2024. 04:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اڈیالہ جیل کے باہرحراست میں لیے گئے پی ٹی آئی رہنماؤں کو چھوڑ دیا گیا

اڈیالہ جیل میں بانی پی ٹی آئی سے ملاقات کے لیے آنے والے پارٹی کے مرکزی رہنماؤں کو پولیس نے رہا کردیا۔

پنجاب پولیس نے اپوزیشن لیڈر قومی اسمبلی عمرایوب، شبلی فراز، اسد قیصر، احمد بچھراور صاحبزادہ حامد رضا کوحراست میں لیا تھا۔

تحریکِ انصاف کے رہنماؤں کو پولیس نے حراست میں لے کراڈیالہ چوکی منتقل کردیا تھا۔

پاکستان تحریکِ انصاف کے رہنماؤں کودفعہ 144 کی خلاف ورزی پرحراست میں لیا گیا تھا۔

پی ٹی آئی رہنما اسد قیصرنے رہائی کے بعد گفتگوکرتے ہوئے کہا کہ ہمیں غیرقانونی طورپرچوکی کی حوالات میں بند رکھا گیا۔ ہم بانی پی ٹی آئی سے ملاقات کے لیے آئے تھے۔ ہم اسلام آباد جاکر پریس کانفرنس کریں گے۔

اپوزیشن لیڈرعمرایوب نے کہا کہ سینیٹ، قومی اسمبلی، پنجاب اسمبلی کے اپوزیشن لیڈرکو حبس بجا میں رکھا، ہم اس کی مزمت کرتے ہیں۔

سینیٹ میں اپوزیشن لیڈرشبلی فرازنے کہا کہ ہم پلان کے مطابق بانی پی ٹی آئی سے ملنے آئے تھے، ہم نے کسی بھی قسم کی مزاحمت نہیں کی، ہم نے کہا ہم واپس جارہے ہیں، جب واپس جانے لگے تو گاڑیوں سے گھسیٹا گیا۔