کراچی میں گورنر ہاؤس میں مہاجر کلچر ڈے کی پروقار تقریب کا انعقاد کیا گیا، جس میں گورنر سندھ کامران ٹیسوری نے خطاب کیا۔

انہوں نے کہا کہ کراچی میں رہنے والے مہاجرین کو پانی اور روزگار جیسی بنیادی سہولتیں فراہم نہیں کی گئیں، تاہم وہ صبر کے ساتھ اپنی زندگی گزار رہے ہیں۔

گورنر سندھ نے کہا کہ ہمارے آباؤ اجداد نے پاکستان کے لیے بے شمار قربانیاں دی ہیں اور ہمارا اوڑھنا بچھونا صرف پاکستان کے لیے ہے۔

گورنر سندھ نے اس عزم کا اظہار کیا کہ وہ ملک کو معاشی بحران سے نکالنے میں اپنا کردار ادا کریں گے اور اس مقصد کے لیے 50 ہزار افراد کو آئی ٹی کورس کرانے کے موقع فراہم کیا۔

اس کے علاوہ، 8 لاکھ سے زائد راشن بیگ تقسیم کیے گئے ہیں۔ انہوں نے گورنر ہاؤس کے باہر انصاف کی گھنٹی بھی لگائی اور کہا کہ چاہتا تو پہلے دن ہی مہاجر کلچر ڈے مناتا لیکن اس موقع پر اس بات کا احساس ہوا کہ دیگر صوبوں کے کلچر ڈے بھی منائے گئے ہیں۔

اس موقع پر خالد مقبول صدیقی نے کہا کہ کراچی میں رہنے والے تمام افراد ایک قومی تہذیب کے محافظ ہیں اور مہاجروں کے بغیر پاکستان کا تصور مکمل نہیں ہو سکتا۔

انہوں نے کہا کہ کراچی میں ہمیں وفاداری کے کسی سرٹیفکیٹ کی ضرورت نہیں اور ہماری تہذیب ہماری طاقت ہے۔ انہوں نے یہ بھی کہا کہ جو قومیں بناتی ہیں، وہی قومیں ملک کو چلا سکتی ہیں۔