صدر مملکت آصف علی زرداری نے خیبر پختونخوا میں مختلف آپریشنز کے دوران سیکیورٹی فورسز کی جانب سے 13 خوارج کو جہنم واصل کرنے کی کامیاب کارروائیوں کو سراہا۔
صدر مملکت نے فورسز کی بہادری اور عزم کو بلند کیا، اور ان کی پیشہ ورانہ مہارت کو قابل تحسین قرار دیا۔
شمالی وزیرستان میں دہشت گردوں کے خلاف بہادری سے مقابلہ کرتے ہوئے شہید ہونے والے میجر محمد اویس کو صدر مملکت نے خراج عقیدت پیش کیا۔
انہوں نے میجر اویس کی بہادری اور جذبہ حب الوطنی کو سراہا، اور ان کے اہل خانہ سے تعزیت کا اظہار کیا۔ صدر نے میجر اویس شہید کے لیے بلندی درجات اور اہل خانہ کے لیے صبر جمیل کی دعا بھی کی۔
صدر مملکت نے کہا کہ ملک سے فتنہ خوارج کے مکمل خاتمے تک سیکیورٹی فورسز کی کارروائیاں جاری رہیں گی۔
Advertisement
انہوں نے مزید کہا کہ پوری قوم دہشت گردی کے خلاف جنگ میں اپنی فورسز کے ساتھ ہے، اور ہم دہشت گردی کی لعنت کے مکمل خاتمے تک اپنی کارروائیاں جاری رکھیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
