شرجیل میمن نے پاکستان کا پہلا ویمنز والی بال ایونٹ کے انعقاد کا اعلان کر دیا

ویب ڈیسک

12th Dec, 2024. 06:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شرجیل میمن نے پاکستان کا پہلا ویمنز والی بال ایونٹ کے انعقاد کا اعلان کر دیا

وزیر اطلاعات سندھ شرجیل میمن نے کراچی میں ایک نیوز کانفرنس کے دوران پاکستان کے پہلے ویمنز والی بال ایونٹ کے انعقاد کا اعلان کیا۔

انہوں نے کہا کہ اس ایونٹ میں 600 سے زائد بچیاں حصہ لیں گی، جس سے خواتین کی سپورٹ اور انہیں بااختیار بنانے کے لئے حکومت سندھ کی جانب سے ہر ممکن تعاون فراہم کیا جائے گا۔

شرجیل میمن نے ایونٹ کے منتظمین کو مبارکباد دیتے ہوئے کہا کہ یہ اقدام نوجوانوں کو ایک مثبت پیغام دینے کا ذریعہ بنے گا۔

انہوں نے اس بات پر بھی زور دیا کہ پیپلز پارٹی نے ہمیشہ خواتین کے حقوق کے لئے کام کیا ہے اور انہیں خودمختاری فراہم کرنا ان کی ترجیحات میں شامل ہے۔

وزیر اطلاعات نے مزید کہا کہ حکومت سندھ نے بینظیر انکم سپورٹ پروگرام شروع کیا ہے اور حالیہ سیلاب کے متاثرین کے لئے گھر فراہم کرنے کا منصوبہ بھی شروع کیا ہے۔ ان گھروں کی تعمیر خاندان کی خواتین کے نام پر کی جا رہی ہے تاکہ انہیں مالکانہ حقوق دیے جا سکیں۔

شرجیل میمن نے اس عزم کا اعادہ کیا کہ پیپلز پارٹی ہمیشہ خواتین کو بااختیار بنانے کے لئے کام کرتی رہے گی اور سندھ حکومت اس سلسلے میں ہر طرح کی مدد کے لئے تیار ہے۔