پی آئی اے کی برطانیہ اور یورپ میں پروازوں کی بحالی میں نئی پیش رفت

ویب ڈیسک

18th Dec, 2024. 11:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کی برطانیہ اور یورپ میں پروازوں کی بحالی میں نئی پیش رفت

پاکستان انٹرنیشنل ایئرلائنز (پی آئی اے) نے برطانیہ میں اپنی پروازوں کی بحالی کے لیے کارروائی شروع کر دی ہے۔

پی آئی اے انتظامیہ نے برطانوی محکمہ ٹرانسپورٹ اور سول ایوی ایشن کو ایک رسمی مراسلہ ارسال کیا ہے، جس میں درخواست کی گئی ہے کہ پی آئی اے کو برطانیہ میں پروازوں کی بحالی کی اجازت دی جائے۔

اس کے ساتھ ہی پی آئی اے نے تھرڈ کنٹری اجازت نامہ بھی بحال کرنے کی درخواست کی ہے۔

یاد رہے کہ پی آئی اے کی برطانیہ اور یورپ میں پروازوں پر چار سال قبل پابندی عائد کر دی گئی تھی، جب پائلٹس کے لائسنس امتحان اسکینڈل کی وجہ سے ان پر سخت کارروائی کی گئی۔

اب جبکہ یورپی ممالک میں پروازوں کی بحالی کا عمل شروع ہو چکا ہے، پی آئی اے نے 10 جنوری 2025 کو اپنی پہلی پرواز پیرس کے لیے روانہ کرنے کا اعلان کیا ہے۔

اگر برطانوی حکام کی جانب سے اجازت دی جاتی ہے، تو پی آئی اے لندن، برمنگھم اور مانچسٹر کے لیے اپنی پروازیں دوبارہ شروع کرے گا، جو پاکستانی اور برطانوی مسافروں کے لیے ایک خوشی کی خبر ہوگی۔