شام میں پھنسے پاکستانیوں کے حوالے سے دفتر خارجہ کا اہم بیان سامنے آ گیا

ویب ڈیسک

08th Dec, 2024. 10:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شام میں پھنسے پاکستانیوں کے حوالے سے دفتر خارجہ کا اہم بیان سامنے آ گیا

ترجمان دفتر خارجہ ممتاز زہرہ بلوچ نے شام میں بدلتی ہوئی صورتحال پر پاکستان کی گہری نظر رکھنے کا اعلان کیا ہے اور اس حوالے سے پاکستانی شہریوں کو احتیاط برتنے کی ہدایت دی ہے۔

انہوں نے واضح کیا کہ پاکستان نے ہمیشہ شام کے اتحاد، خودمختاری اور علاقائی سالمیت کی حمایت کی ہے اور اس کے اصولی موقف میں کوئی تبدیلی نہیں آئی۔

ممتاز زہرہ بلوچ نے بتایا کہ شام میں موجود پاکستانی شہری محفوظ ہیں، تاہم ان کو احتیاط برتنے کی مشورہ دیا گیا ہے۔

انہوں نے مزید کہا کہ پاکستان کا سفارت خانہ اس وقت پھنسے ہوئے پاکستانی شہریوں سے رابطے میں ہے اور مدد فراہم کرنے کے لیے کھلا ہے۔

ترجمان دفتر خارجہ نے یہ بھی بتایا کہ دمشق ایئرپورٹ فی الحال بند ہے، لیکن جیسے ہی ایئرپورٹ کھلے گا، پاکستان کا سفارت خانہ پاکستانی شہریوں کی واپسی کے عمل کو آسان بنانے کے لیے مکمل تعاون فراہم کرے گا۔

دفتر خارجہ نے پاکستانی شہریوں کو بتایا کہ وہ کسی بھی ہنگامی صورتحال میں پاکستان کے سفارت خانہ سے رابطہ کر سکتے ہیں، جو ان کی مدد کے لیے دستیاب ہے۔