ضلع کرم کو آفت زدہ قرار دے دیا گیا، ڈاکٹر سیف

ویب ڈیسک

23rd Dec, 2024. 06:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ضلع کرم کو آفت زدہ قرار دے دیا گیا، ڈاکٹر سیف

خیبر پختونخوا کے مشیر اطلاعات بیرسٹر ڈاکٹر سیف نے کہا ہے کہ صوبائی کابینہ نے ضلع کرم کو آفت زدہ قرار دینے کی منظوری دے دی ہے۔

انہوں نے بتایا کہ کابینہ نے کرم میں واقعہ کے بعد ریلیف ایمرجنسی کی باقاعدہ منظوری بھی دی ہے، جس کے تحت امدادی سرگرمیوں کو قانونی توثیق فراہم کی گئی ہے۔

بیرسٹر ڈاکٹر سیف نے مزید کہا کہ صوبائی حکومت نے متعلقہ حکام کو ہدایت کی ہے کہ وہ امدادی کارروائیوں کو تیز کریں تاکہ متاثرین تک جلد سے جلد مدد پہنچ سکے۔

ریلیف ایمرجنسی میں ادویات، خوراک اور دیگر ضروری اشیاء کی فراہمی کے ساتھ ساتھ ائیر سروس کے ذریعے بھی آمدورفت کو یقینی بنایا جا رہا ہے۔

انہوں نے اس بات کا بھی ذکر کیا کہ چند نجی میڈیا چینلز نے اس خبر کو سیاق و سباق سے ہٹ کر پیش کیا ہے۔

تاہم، صوبائی حکومت نے واضح کیا ہے کہ کرم میں امدادی سرگرمیاں تب تک جاری رہیں گی جب تک صورتحال پُرامن نہیں ہو جاتی، اور متاثر ہونے والے افراد کو مالی تعاون بھی فراہم کیا جائے گا۔

یہ اقدامات کرم کے متاثرہ افراد کو فوری ریلیف فراہم کرنے اور حالات کو بہتر بنانے کے لیے کیے جا رہے ہیں۔