حکومت اور پی ٹی آئی کے درمیان سیاسی تناؤ کم کرنے کے لیے مذاکرات کی راہ ہموار

ویب ڈیسک

11th Dec, 2024. 08:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

حکومت اور پی ٹی آئی کے درمیان سیاسی تناؤ کم کرنے کے لیے مذاکرات کی راہ ہموار
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

حکومت اور پی ٹی آئی کے درمیان سیاسی تناؤ کم کرنے کے لیے مذاکرات کی راہ ہموار

حکومت اور پاکستان تحریک انصاف (پی ٹی آئی) کے درمیان مذاکرات کے لیے رابطے بحال ہو گئے ہیں، اور اس مقصد کے لیے پارلیمنٹ کا فورم استعمال کرنے کا فیصلہ کیا گیا ہے۔

ذرائع کے مطابق، پی ٹی آئی کے وفد نے اسپیکر قومی اسمبلی سردار ایاز صادق سے ملاقات کی، جس میں بیرسٹر گوہر، عمر ایوب اور صاحبزادہ حامد رضا شامل تھے۔

ملاقات کے دوران پی ٹی آئی وفد نے اسپیکر ایاز صادق کی ہمشیرہ کے انتقال پر تعزیت بھی پیش کی۔ وزیر قانون و پارلیمانی امور اعظم نذیر تارڑ بھی اس ملاقات میں موجود تھے۔

ذرائع نے بتایا کہ مذاکرات کے لیے پارلیمنٹ کو فورم کے طور پر استعمال کرنے کی تجویز اسپیکر ایاز صادق نے دی تھی، جسے پی ٹی آئی اور حکومت دونوں نے تسلیم کر لیا۔

مذاکرات بغیر کسی پیشگی شرائط کے ہوں گے، اور ان کا مقصد ملک میں سیاسی عدم استحکام اور جاری تناؤ میں کمی لانا ہے۔

ذرائع کے مطابق، دونوں فریقین جلد ہی مذاکراتی کمیٹیوں کے ارکان کے نام مشاورت سے دیں گے تاکہ بات چیت کا آغاز کیا جا سکے۔ اس اقدام سے سیاسی ماحول میں بہتری کی امید ہے، اور دونوں جماعتوں کے درمیان رابطوں میں اضافہ ہو سکتا ہے۔