ربادا اور جینسن نے پاکستان کے جبڑوں سے شکست چھین لی، پروٹیز 2 وکٹوں سے کامیاب

ویب ڈیسک

29th Dec, 2024. 05:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ربادا اور جینسن نے پاکستان کے جبڑوں سے شکست چھین لی، پروٹیز 2 وکٹوں سے کامیاب

سینچورین ٹیسٹ کے چوتھے دن جنوبی افریقہ نے پاکستان کو 2 وکٹوں کو شکست دے کر سیریز میں ایک صفر کی برتری حاصل کر لی ہے۔

کاگیسو ربادا اور مارکو جینسن کی ذمہ دارانہ بیٹنگ نےدور ہوتی فتح کو اپنے نام کیا اور پاکستان جیت کے قریب پہنچ کر بھی ہاتھ ملتے رہ گیا۔

پاکستان نے پہلی اننگ میں 237 رنز بنائے تھے، کامران غلام نے 54 رنز بنائے، دیگر کھلاڑیوں میں محمد رضوان 27، اور عامر جمال نے 28 رنز بنائے۔

دوسری اننگ میں بابر اعظم کے 50 اور سعود شکیل کے 84 رنز کی بدولت پاکستان 237 رنز بنانے میں کامیاب ہوا۔

جنوبی افریقا نے پہلی اننگ میں 301 رنز بنائے، مارکرام 89، باؤما 31، ڈیوڈ 30 اور کاربن بوش نے 81 رنز کی اننگ کھیلی۔

پروٹیز کو دوسری اننگ میں جیت کے لیے 148 رنز کا ہدف ملا، پاکستانی بولرز نے 99 رنز پر 8 کھلاڑیوں کو پویلین واپس بھیج دیا تھا، لیکن ربادا اور جینسن پاکستان کی فتح میں دیوار بن کر کھڑے ہو گئے۔

ربادا اور جینسن نے 9 ویں وکٹ کی شراکت میں 51 رنز کی ناقابل شکست شراکت داری قائم کر کے جنوبی افریقہ کو پہلے ٹیسٹ میں جیت سے ہمکنار کیا۔

پاکستان کی جانب سے محمد عباس نے دوسری اننگ میں 6 کھلاڑیوں کو آؤٹ کیا۔