سندھ بلائنڈ ایکشن کمیٹی کے زیر اہتمام نابینا افراد نے آج کراچی پریس کلب قریب دین محمد فائی روڈ پر دھرنا دیا جس کے باعث کراچی میں بدترین ٹریفک جام ہو گیا۔
نابینا افراد کا مطالبہ تھا کہ وزیراعلیٰ سندھ سے ملاقات کرائی جائے اور سندھ میں تمام نابینا افراد کو مستقل ملازمتیں فراہم کی جائیں۔
مظاہرین نے مزید کہا کہ وہ بصارت سے محروم افراد کی فہرست فراہم کرنے کے لیے تیار ہیں تاکہ انہیں حکومت کی جانب سے مناسب ملازمتیں دی جا سکیں۔
ٹریفک پولیس کے مطابق احتجاج کی وجہ سے آئی آئی چندریگر روڈ، شاہین کمپلیکس اور اطراف کی شاہراہوں پر شدید ٹریفک جام کی صورتحال پیدا ہو گئی ہے۔
دفاتر سے چھٹی کے اوقات میں ٹریفک کا دباؤ مزید بڑھ گیا۔ پولیس حکام نے بتایا کہ احتجاج کے دوران پولیس کی بھاری نفری دین محمد وفائی روڈ پر پہنچ گئی اور مظاہرین کو ریڈ زون میں داخلے سے روک دیا۔
Advertisement
ٹریفک پولیس کی جانب سے کہا گیا ہے کہ شہر کے مختلف علاقوں میں ٹریفک کی روانی کو بہتر بنانے کے لیے اقدامات کیے جا رہے ہیں، تاہم مظاہرے کے جاری رہنے تک ٹریفک کی صورتحال بدستور متاثر رہنے کا امکان ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
