سندھ ہائیکورٹ میں خالی 12 ایڈیشنل ججز کی آسامیوں پر تقرری کے لیے جوڈیشل کمیشن 46 ناموں کا جائزہ لے گا۔ اس حوالے سے جوڈیشل کمیشن کا اجلاس 23 جنوری کو طلب کر لیا گیا ہے۔

ذرائع کے مطابق سیکریٹری جوڈیشل کمیشن نے جوڈیشل کمیشن کے ممبران کو 46 امیدواروں کے نام ارسال کر دیے ہیں، جن میں 6 ڈسٹرکٹ اینڈ سیشن ججز اور 40 وکلاء شامل ہیں۔

ڈسٹرکٹ اینڈ سیشن ججز میں سریش کمار، خالد حسین شاہانی اور مشتاق احمد لغاری کے نام شامل ہیں۔

ایڈیشنل سیشن ججز میں تسنیم سلطانہ، منور سلطانہ اور امیر علی مہیسر کے نام شامل ہیں۔

جبکہ 40 وکلاء کی فہرست میں علی حیدر، نثار احمد بھمبرو، ریاضت علی، میراں محمد شاہ، راجہ جواد علی، عبید الرحمان خان، رفیق احمد کلوار، عمائمہ انور خان، محمد عثمان علی ہادی، محمد عمر لاکھانی، منصور علی، محمد ذیشان، محمد جعفر رضا شامل ہیں۔

ان کے علاوہ ذوالفقار علی سولنگی، حق نواز تالپور، عبدالحامد، فیاض الحسن شاہ، محسن قادر شاہوانی، قاضی محمد بشیر، سندیپ ملانی، محمد حسن اکبر، احمد شاہ، امداد علی، چوہدری عاطف رفیق، جمشید ملک، عرفان میر، جان علی جونیجو، ولی محمد کھوسو، فیاض احمد، الطاف حسین، غلام محی الدین، راشد مصطفیٰ، ارشد زاہد، طارق احمد، صغیر احمد، وزیر حسین، پرکاش کمار، محمد ذیشان، ریحان عزیز اور شازیہ ہنجرا کے نام بھی وکلاء کی فہرست میں شامل ہیں۔

ذرائع کے مطابق جوڈیشل کمیشن کا اجلاس 23 جنوری کو منعقد ہوگا، جس میں ان ناموں پر غور کر کے حتمی سفارشات مرتب کی جائیں گی۔