وزیراعظم شہبازشریف نے کہا ہے کہ اسمگلنگ کے خاتمے کا کریڈٹ آرمی چیف کو جاتا ہے، پاک فوج کےجوانوں نےقربانیاں دیکرہمارے کل کو محفوظ کیا۔

وفاقی کابینہ کے اجلاس میں وزیراعظم شہبازشریف نے خطاب کرتے ہوئے کہا ہے کہ اسمگلنگ کی روک تھام کےخاطرخواہ تنائج سامنے آئے، اسمگلنگ کےخاتمے کا کریڈٹ آرمی چیف کوجاتاہے، پاک فوج کےجوانوں نےقربانیاں دیکرہمارے کل کو محفوظ کیا۔

وزیراعظم شہبازشریف نے کہا کہ شہدا کی قربانیوں کوفراموش نہیں کیاجاسکتا، گوادرکوٹرانزٹ ٹریڈکاحب بنائیں گے، ای گورننس پر تمام وزارتیں اقدامات کررہی ہیں، دیگروزارتیں بھی خود کوجدید ٹیکنالوجی، تقاضوں سے ہم آہنگ کریں۔

وزیراعظم نے کہا کہ معاشی ترقی کیلئے برآمدات کوبڑھاناہوگا، دھرنوں کی سیاست کرنے والوں نے معیشت کوتباہ کیا، دھرنوں نے9 ماہ میں ملک کی معیشت کا دھڑن تختہ کرنے میں کوئی کسرنہیں چھوڑی۔

انھوں نے خطاب میں کہا کہ 9 ماہ میں اقتصادی بہتری کی گواہی عام آدمی بھی دے رہا ہے، دسمبر میں اہداف حاصل کرنے میں کامیاب ہوئے ہیں،  کاروباری حضرات کو 89 فیصدریلیف ملا، رواں مالی سال ترسیلات زر15ارب ڈالرتک پہنچ گئی۔

وزیراعظم نے کہا کہ یہی کارکردگی رہی توترسیلات35ارب ڈالرکاہدف حاصل کرلیں گی، معاشی استحکام آگیا، اب ٹیک آف کرنا ہے، ملک کی معاشی ترقی مقصود ہے تومعیشت کیلئے اہم کردارادا کرنا ہوگا۔

انھوں نے مزید کہا کہ معیشت میں استحکام لاناہے، اپنی ترجیحات کواس طرف لگاناہے، اڑان پاکستان پروگرام ملک کی معیشت کومزیداستحکام دے گا، 72ارب روپےکی محصولات بہترین کارکردگی کی علامت ہیں۔

نئےسال کےآغازپروزیراعظم شہبازشریف نے قوم کومبارکباد دیتے ہوئے کہا کہ دعاہے نئے سال میں ہم غلطیوں کوسدھارکرایک نئی شروعات کریں۔