بانی پی ٹی آئی اور بشریٰ بی بی کی عبوری ضمانتوں میں 28 جنوری تک توسیع

ویب ڈیسک

07th Jan, 2025. 10:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی اور بشریٰ بی بی کی عبوری ضمانتوں میں 28 جنوری تک توسیع

جعلی رسیدوں کے کیس میں بانی پی ٹی آئی اور بشریٰ بی بی کی عبوری ضمانتوں میں 28 جنوری تک توسیع کر دی گئی۔

ڈسٹرکٹ اینڈسیشن کورٹ اسلام آباد میں بانی پی ٹی آئی اوربشریٰ بی بی کے خلاف جعلی رسیدوں کے کیس کی سماعت ہوئی کے دوران بانی پی ٹی آئی اوربشریٰ بی بی کی درخواست ضمانت پرفیصلہ ایک بار پھر نہ ہوسکا۔

بانی پی ٹی آئی اوربشریٰ بی بی کی درخواست ضمانت پرسماعت ایڈیشنل سیشن جج افضل مجوکہ نے کی جبکہ بشری بی بی کی حاضری سے استثنا کی درخواست دائرکی گئی۔

معاون وکیل صفائی نے عدالت کو بتایا کہ جیل حکام جان بوجھ کربانی پی ٹی آئی کی وڈیو لنک پرحاضری نہیں کروا رہے، سلمان صفدردیگر کیسز میں مصروف ہیں، جیل حکام ایسا نہ کہہ دیں سردیوں سے انٹرنیٹ جام ہوگیا۔

جج افضل مجوکہ نےعدالتی عملہ کوآئندہ سماعت سے قبل بانی پی ٹی آئی کی وڈیو لنک کے ذریعے حاضری یقینی بنانے کی ہدایات جاری کردیں۔

جج نے کہا کہ بانی پی ٹی آئی اوربشریٰ بی بی کی ضمانتوں کا اکٹھا فیصلہ ہوگا، جزوی دلائل ہو چکے ہیں صرف بانی پی ٹی آئی کی ویڈیو حاضری رہتی ہے۔