وزیراعظم نے کہا ہے کہ مسلم ممالک میں لڑکیوں کی تعلیم ایک بڑا چیلنج ہے لڑکیوں کو تعلیم فراہم کرنا دینی فریضہ ہے، لڑکیوں کی معیاری تعلیم سے معاشرہ مضبوط اور ترقی یافتہ ہوگا۔ 

مسلم ممالک میں لڑکیوں کی تعلیم کے فروغ، چینلجزاورمواقع کے موضوع پراسلام آباد میں کانفرنس سے وزیراعظم شہبازشریف نے خطاب کرتے ہوئے کہا کہ عالمی کانفرنس کا پاکستان میں انعقاد اعزاز کی بات ہے، شرکا کو عالمی کانفرنس میں خوش آمدید کہتے ہیں۔

وزیراعظم نے کانفرنس کے افتتاحی سیشن سے خطاب کرتے ہوئے کہا کہ تعلیم کےشعبےمیں درپیش چیلنجزکوہرصورت ختم کرناہے، خواتین مردوں کے شانہ بشانہ ترقی کیلئے اپناکرداراداکریں، لڑکیوں کی تعلیم تک رسائی کاچیلنج درپیش ہے۔

انھوں نے کہا کہ غریب ممالک میں لڑکیوں کی تعلیم تک رسائی ممکن بناناہوگی، لڑکیوں کومعیاری تعلیم فراہم کرنےسےمعاشرہ مضبوط، ترقی یافتہ ہوگا۔ ملالہ یوسفزئی کی کانفرنس میں شرکت باعث فخرہے۔ لڑکیوں کی تعلیم تک رسائی کاچیلنج درپیش ہے۔

وزیراعظم شہبازشریف نے کہا کہ فاطمہ جناح، بے نظیر بھٹواور مریم نوازخواتین کے لیے مثال ہیں۔ مریم نوازشریف پنجاب کی پہلی وزیراعلٰی خاتون ہیں۔ نوازشریف کی قیادت میں مریم نوازشریف لڑکیوں کی تعلیم کے فروغ کے لیے اپنا کردار ادا کررہی ہیں۔

انھوں نے کہا کہ لڑکیوں کوفنی تعلیم کےہنرسےمالامال کرناہے، دانش اسکول سے تعلیم حاصل کرنے والی طالبات ایک روشن مثال ہیں۔ اعلیٰ کارکردگی دکھانے والی طالبات کوجدید لیپ ٹاپ دیےگئےہیں۔

وزیراعظم شہبازشریف نے مزید کہا کہ طالبات اپنی قابلیت سےعالمی معیشت میں بھرپورکردارادا کرسکتی ہیں۔ لڑکیوں کی معیاری تعلیم سے معاشرہ مضبوط اور ترقی یافتہ ہوگا۔ سعودی عرب ہمارا دوست برادراسلامی ملک ہے، لڑکیوں کی تعلیم کے حوالےسے یہ کانفرنس بہت اہم ہے۔

اسلام آباد میں مسلمان معاشروں میں لڑکیوں کی تعلیم، چیلنجزاورمواقع کے موضوع پرکانفرنس میں 47 اسلامی ممالک کے150مندوبین شریک ہیں۔

وزیراعظم شہبازریف نے شہید محترمہ بے نظیربھٹوکو ان کی خدمات پرانھیں خراج تحسین پیش کیا۔ کانفرنس میں ’’اسلام آباد اعلامیے‘‘ پردستخط بھی کیے گئے۔ وزیراعظم نے خادم الحرمین شریفین اورشہزادہ محمدسلمان بن سلمان کوبھی خراج تحسین پیش کیا۔