ملک بھر میں نئے سال 2025 کی آمد کے حوالے سے جوش و خروش کا سماں، اور خاص طور پر کراچی میں اس خوشی کے موقع پر گورنر ہاؤس میں شاندار آتشبازی کا مظاہرہ کیا جا رہا ہے جس نے شہر کے آسمان کو رنگوں سے سجا دیا۔

نئے سال کے آغاز کے موقع پر کراچی کی معروف عمارت گورنر ہاؤس میں عالمی طرز کی خصوصی آتشبازی کا اہتمام کیا گیا جس میں ہزاروں شہریوں نے شرکت کی۔

آتشبازی کے خوبصورت رنگ، آسمان میں پھیلتے ہوئے قوس و قزح کے رنگ، اور دھماکوں کی گونج نے حاضرین کے دل جیت لیے۔

یہ آتشبازی کا منظر شہر بھر میں نظر آیا اور شہریوں نے اپنے دوستوں اور خاندان کے ساتھ یہ لمحے یادگار بنانے کے لیے تصاویر اور ویڈیوز بنائیں۔

گورنر سندھ، کامران ٹیسوری کی جانب سے اس تقریب کا انعقاد کیا گیا، جس میں مختلف شعبوں سے تعلق رکھنے والی اہم شخصیات اور شہریوں نے شرکت کی۔

گورنر سندھ نے نئے سال کے آغاز پر قوم کو خوشیوں، ترقی اور امن کی دعا دیتے ہوئے کہا کہ یہ سال پاکستان کے لیے خوشی، کامیابی اور فلاح کا پیغام لے کر آئے۔

کراچی میں مختلف مقامات پر بھی نئے سال کی آمد کے حوالے سے جشن کا انعقاد کیا گیا، اور شہر کی رونقیں ایک نئی روشنی میں جگمگائیں۔

آتشبازی کے بعد، شہر کے مختلف حصوں میں محفلیں اور موسیقی کے پروگرامز کا بھی انعقاد کیا گیا، جس میں نوجوانوں اور خاندانوں نے بھرپور انداز میں شرکت کی۔

اس موقع پر شہر کی سیکیورٹی کے انتظامات کئے گئے ہیں، رینجرز اور پولیس کی بھاری نفری نے امن و امان کی صورتحال کو برقرار رکھنے کے لیے شہر کے مختلف مقامات پر تعینات ہے۔