اسلام آباد: لاہور ہائی کورٹ میں ایڈیشنل ججز کی تعیناتی کے معاملے پر جوڈیشل کمیشن کا اجلاس کل ہوگا۔

لاہور ہائی کورٹ میں 10 ایڈیشنل ججز کی تعیناتی کے معاملے پر چیف جسٹس پاکستان جسٹس یحییٰ آفریدی کی زیر صدارت جوڈیشل کمیشن کا اجلاس کل 6 فروری کو سپریم کورٹ کمیٹی روم میں دن 2 بجے ہوگا۔

جوڈیشل کمیشن کو 10 ایڈیشنل ججز کے لئے 49 نامزدگیاں موصول ہوگئی ہیں، 10 ایڈیشنل ججز کی تعیناتی کے لئے 4 ڈسٹرکٹ سیشن ججز اور 45 سینئر وکلاء کے ناموں پر غور ہوگا جب کہ لاہور ہائیکورٹ کے لئے 4 ڈسٹرکٹ سیشن ججز کے ناموں پر غور ہوگا۔

ڈسٹرکٹ سیشن جج قیصر نذیر بٹ، محمد اکمل خان ڈسٹرکٹ سیشن جج جزیلہ اسلم، ابہر گل خان، ایڈووکیٹ عدنان شجاع بٹ، ایان طارق بھٹہ، امبرین انور راجہ، اسد محمود عباسی، عاصمہ حامد اور بشریٰ قمر کے ناموں پر غور ہوگا۔

اجلاس میں اقبال احمد خان، سلطان محمود، غلام سرور، حیدر رسول مرزا، حارث عظمت، حسیب شکور پراچہ، حسن نواز مخدوم، ہماں اعجاز زمان، خالد اسحاق، ملک جاوید اقبال وینس، ملک محمد اویس خالد، ملک وقار حیدر اعوان، میاں بلال بشیر اور مغیث اسلم ملک کے ناموں پر بھی غور ہوگا۔

علاوہ ازیں محمد اورنگزیب خان، محمد جواد ظفر، محمد نوید فرحان، نوازش علی پیرزادہ، ساجد خان تنولی، ثاقب جیلانی، محمد زبیر خالد، منور السلام، مقتدر اختر شبیر، مشتاق احمد مہل، نجف مزمل خان اور نوید احمد خواجہ کے ناموں پر غور ہوگا۔

قادر بخش، قاسم علی چوہان، رافع زیشان جاوید الطاف، رانا شمشاد خان، رضوان اختر اعوان، صباحت رضوی، سلمان احمد، سمیعہ خالد، سردار اکبر علی، شیغن اعجاز، سید احسن رضا کاظمی، انتخاب حسین شاہ اور عثمان اکرم ساہی کے ناموں پر بھی اجلاس میں غور کیا جائے گا۔