وزارت خزانہ کی پہلی ششماہی کی فسکل آپریشن رپورٹ جاری، مالی خسارہ میں اضافہ

ویب ڈیسک

07th Feb, 2025. 10:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزارت خزانہ کی پہلی ششماہی کی فسکل آپریشن رپورٹ جاری، مالی خسارہ میں اضافہ

وزارت خزانہ نے مالی سال 2024 کی پہلی ششماہی کی فسکل آپریشن رپورٹ جاری کر دی ہے،

جس کے مطابق پہلی سہ ماہی میں پاکستان کا بجٹ سرپلس رہا لیکن ششماہی کے اختتام تک یہ خسارے میں تبدیل ہوگیا۔

فسکل آپریشن رپورٹ کے مطابق، جولائی سے دسمبر 2024 تک پاکستان کا بجٹ خسارہ 1537 ارب روپے تک پہنچ گیا، جو کہ جی ڈی پی کا 1.2 فیصد ہے۔

رپورٹ میں بتایا گیا کہ پہلی سہ ماہی کے دوران پاکستان کا بجٹ 1896 ارب روپے سرپلس تھا، تاہم ششماہی کے اختتام پر یہ خسارے میں تبدیل ہوگیا۔

جولائی سے دسمبر 2024 تک حکومت کی آمدنی 9763 ارب روپے رہی، جبکہ اخراجات 11 ہزار 301 ارب روپے تک پہنچے۔

رپورٹ کے مطابق، جولائی سے دسمبر 2024 تک پاکستان کی ٹیکس آمدنی 6067 ارب روپے رہی، جس میں وفاق کی آمدنی 5624 ارب روپے جبکہ صوبوں کی آمدنی 442 ارب روپے رہی۔ نان ٹیکس آمدنی کی مالیت 3696 ارب روپے رہی۔

رپورٹ میں یہ بھی بتایا گیا کہ اسی مدت میں حکومت نے سود کی ادائیگیوں پر 5141 ارب روپے خرچ کیے، جبکہ دفاعی اخراجات 890 ارب روپے رہے۔