اسلام آباد:نائب وزیراعظم اسحٰق ڈار اور ڈی جی آئی ایس پی آرلیفٹیننٹ جنرل احمد شریف بھارت کودوٹوک جواب دیاہے کہ پاکستان کاپہلگام واقعے سے کوئی تعلق نہیں،بھارت نے حملہکیا تو بھرپور جواب کے لئے تیاری کرلی۔

نائب وزیراعظم نے کہاکہ بھارت کے غیر قانونی اقدامات اور الزامات  نے صورتحال کو پیچیدہ کردیاہے،پاکستان دہشتگردی سے سب سے زیادہ متاثر ہے ۔

اسحٰق ڈار نے کہاکہ ہم بھارت سمیت دہشتگردی کے کسی بھی واقعے کی مذمت کرتے ہیں ، موجودہ صورتحال پر دوست ممالک سے رابطے میں ہیں۔

نائب وزیراعظم اسحٰق ڈار نے کہاکہ پوری قوم متحد ہے موجودہ صورتحال میں پاکستان کی تمام سیاسی جماعتیں ایک بیج پر ہیں ،پہل نہیں کرینگے ،اگر ہماری سلامتی پر میلی نظر ڈالی گئی تو اس کا انتہائی سخت جواب دیاجائے گا۔

ڈی جی آئی ایس پی آر لیفٹیننٹ جنرل احمد شریف  نے کہاکہ ہم الزامات کے بجائے ہم حقائق پر جائیں گے، بھارتی میڈیا نے پہلگام واقعے کے فوری بعد پاکستان پر الزام لگا دیا اورواقعے کو فوری طور پر مسلمانوں سے جوڑدیا۔

انہوں نے کہاکہ  یہ کیسے ممکن ہے کہ حملے سے پہلے کوئی انٹیلی جنس اطلاع نہیں تھی اور حملے کے حملےکے 10 منٹ بعد ہی معلومات مل جاتی ہیں، حقائق خود بولتے ہیں ۔

لیفٹیننٹ جنرل احمد شریف نے کہاکہ پہلگام میں ہونے والا واقعہ لائن آف کنترول سے 230 کلو میٹر دور ہے ،واقعے کے فوری بعد ایف آئی آرکے اندارج اورمندرجات نے سوالات پیدا کردیے، بھارت کے اندر سے اس سلسلے میں سوالات اٹھائے جارہے ہیں۔

جعفر ایکسپریس اور پہلگام میں ایک ہی سوشل میٖڈیا اکائونٹس استعمال ہوئے، لیفننٹ جنرل احمد شریف

ان کاکہناتھاکہ جعفر ایکسپریس اور پہلگام میں ایک ہی سوشل میٖڈیا اکائونٹس استعمال ہوئے ،مقبوضہ کشمیر کے عوام نے بھی بھارتی الزامات کا بھانڈہ پھوڑ دیا،بھارتکو الزام تراشی  اورانتقامی کارروائیوں کے بجائے پہلگام واقعے سے متعلق اٹھنے والے سوالات کا جواب دینا ہوگا۔

انہوں نے کہاکہ دہشتگردی کو سیاسی مقاصد کے لئے استعمال کرنا بھارت کا وطیرہ ہے ، بھارتی حکومت دہشتگردی کے خلاف پاکستان کی عالمی کوششوں کو ثبوتاژ کرنا چاہتی ہے۔

لیفٹیننٹ جنرل احمد شریف نے کہاکہ افواج پاکستان اور ایجنسیاں تمام صورتحال پر نظر رکھے ہوئے ہیں ، پہلگام واقعے کے بعد بھارتی پراکسیز کاپاکستان  میں حملوں کا ٹاسک دیا گیا، قومی سلامتی اور خود مختاری  کا ہر حال میں دفاع کیا جائے گا۔

بھارتی نے 2024 سے اب تک 3 ہزار سے زائد حملے کروائے

نہوں نے کہاکہ  میں بھارتی دہشتگردی کے ناقابل تردید شواہد موجود ہیں کسی بھی معتبر ادارے سےے بتایاکہ ان شواہد کی تصدیق کرائی جاسکتی ہے،بھارت پاکستان میں دہشتگردی کےلئے  فنڈنگکررہاہے ،حاضر سروس فوجی افسر دہشتگردوں کے ہینڈلرز ہیں۔

لیفٹیننٹ جنرل احمد شریف نے کہاکہ دنیا دیکھ لے کہ بھارتی نے 2024 سے اب تک 3 ہزار سے زائد حملے کروائے اور پہلگام واقعے کے بعداپنے آلہٰ کارپاکستان میں متحرک کردیے ہیں،بھارت 50 سال سے اسی ڈگر پرچل رہاہے ۔

انہوں نے مزید کہاکہ مقبوضہ کشمیربھارت کا اندورنی معاملہ نہیں ہے یہ ایک بیرونی معاملہ ہے کیونکہ بھارت مقبوضہ کشمیر میں انسانی حقوق کی کھلی خلاف رزیاں کررہاہے ۔

دستاویزی شواہد اور بھارتی عوام کے مودی سرکار کے خلاف تاثرات

مشترکہ پریس کانفرنس میں بھارت کی جانب سے دہشتگردی کے مالی  اورلاجسٹک سپورٹ فراہم کرنے دستیاویزی ، آڈیو اور ویڈیو شواہد پیش کیے گئے جبکہ پہلگام واقعے کے بعد بھارت میں اٹھنے والے سوالات اور اس حوالے سے چند ویڈیوز بھی دکھائی گئی۔