بھارت کی جانب سے زرعی مصنوعات پر 100 فیصد ٹیرف عائد کرنے پر امریکا کی مذمت

ویب ڈیسک

02nd Apr, 2025. 07:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کی جانب سے زرعی مصنوعات پر 100 فیصد ٹیرف عائد کرنے پر امریکا کی مذمت

وائٹ ہاؤس کی ترجمان کیرولائن لیوٹ نے بھارت کی جانب سے امریکی زرعی مصنوعات پر 100 فیصد ٹیرف عائد کرنے کو غیرمنصفانہ قرار دیتے ہوئے کہا کہ بھارت نے یہ اقدام امریکا کو دھوکا دینے کے مترادف ہے۔

انہوں نے مزید کہا کہ اس اقدام کی وجہ سے امریکی برآمدات پر منفی اثرات مرتب ہونگے، اور امریکی مصنوعات پر بھاری ٹیرف ان کی برآمدات کو تقریباً ناممکن بنا دیتے ہیں۔

کیرولائن لیوٹ نے بتایا کہ یورپی یونین نے امریکی دودھ کی مصنوعات پر 50 فیصد ٹیرف، جاپان نے امریکی چاول پر 700 فیصد اور کینیڈا نے امریکی مکھن اور پنیر پر 300 فیصد ٹیرف عائد کر رکھا ہے۔

انہوں نے اس بات کی نشاندہی کی کہ بھارت کی جانب سے امریکی زرعی مصنوعات پر 100 فیصد ٹیرف عائد کرنے کا اقدام بین الاقوامی تجارت میں غیرمنصفانہ سلوک کی مثال ہے۔

یاد رہے کہ امریکی صدر ڈونلڈ ٹرمپ نے دو اپریل سے نافذ ہونے والے نئے ٹیرف کی اہمیت پر زور دیا تھا اور کہا تھا کہ یہ اقدامات امریکی معیشت کے لیے اہم موڑ ثابت ہوں گے۔

ان ٹیرف کی بدولت امریکا کے عالمی تجارتی تعلقات پر گہرے اثرات مرتب ہونے کی توقع ہے۔