پی ایس ایل سیزن 10 کے 11 ویں میچ کراچی کنگز نے پشاور زلمی کو ایک دلچسپ مقابلے کے بعد 2 وکٹوں سے شکست دے دی۔

کراچی کنگز نے پشاور زلمی کا 148 رنز کا ہدف 19.3 اوورز میں 8 وکٹوں کے نقصان پر حاصل کر لیا۔

کراچی کنگز کے کپتان ڈیوڈ وارنر نے 60 رنز کی شاندار اننگ کھیلی، ٹم سائفرٹ بنا کوئی رن بنائے آؤٹ ہوئے، جیمز ونس نے 11 رنز بنائے۔

سعد بیگ 9، عرفان خان 10، محمد نبی 14 اور عباس آفریدی نے 2 رنز بنائے، خوشدل شاہ 23 رنز پر ناٹ آؤٹ رہے۔

زلمی کے لوک ووڈ نے 3، علی رضا نے 2 وکٹیں حاصل کیں، جبکہ الزاری جوزف اور عارف یعقوب نے ایک ایک کھلاڑی کو آؤٹ کیا۔

اس سے قبل کراچی کنگز نے پشاور زلمی کے خلاف ٹاس جیت کر پہلے فیلڈنگ کا فیصلہ کیا ہے۔

پشاور زلمی نے مقررہ 20 اوورز میں 8 وکٹوں کے نقصان پر 147 رنز بنائے۔

زلمی کے کپتان بابر اعظم نے 46 رنز کی اننگ کھیلی، صائم ایوب صرف 4 رنز ہی بنا سکے، ٹام کیڈمور 7، محمد حارث 28، حسین طلعت 18، مچل اوون 5 اور الزاری جوزف نے 24 رنز ناٹ آؤٹ بنائے۔

کراچی کنگز کی جانب سے عباس آفریدی اور خوشدل شاہ نے 3،3 کھلاڑیوں کو آؤٹ کیا، جبکہ عامر جمال اور میر حمزہ نے ایک ایک وکٹ حاصل کی۔

اسکواڈ:

کراچی کنگز: ڈیوڈ وارنر (کپتان)، ٹِم سائیفرٹ (وکٹ کیپر)، جیمز ونس، سعد بیگ، خوشدل شاہ، محمد نبی، عامر جمال، عرفان خان نیازی، عباس آفریدی، حسن علی، میر حمزہ

پشاور زلمی: بابر اعظم (کپتان)، صائم ایوب، محمد حارث (وکٹ کیپر)، ٹام کوہلر-کیڈمور، مچل اوون، حسین طلعت، عبدالصمد، لیوک ووڈ، الزاری جوزف، عارف یعقوب، علی رضا