امریکی صدر ڈونلڈ ٹرمپ نے میموریل ڈے پر سابق صدر جو بائیڈن اور ان کی انتظامیہ کو سخت تنقید کا نشانہ بنایا ہے۔

ٹرمپ نے الزام عائد کیا کہ بائیڈن کی قیادت میں ملک کو داخلی اور خارجی سطح پر سنگین خطرات لاحق ہوئے۔

سوشل میڈیا پلیٹ فارم “ٹروتھ سوشل” پر اپنے پیغام میں ٹرمپ نے کہا، “یہ دن اُن لوگوں کے لیے بھی مبارک ہو جنہوں نے پچھلے چار سال اس عظیم قوم کو برباد کرنے کی کوششوں میں گزارے۔”

مزید پڑھیں: مودی سرکار کو ایک اور دھچکہ، ٹرمپ نے بھارت میں بنے آئی فون پر 25 فیصد ٹیکس عائد کر دیا

ٹرمپ نے خاص طور پر بائیڈن کی امیگریشن پالیسی کو تنقید کا نشانہ بناتے ہوئے کہا کہ ان کی حکومت کے دوران 2 کروڑ 10 لاکھ افراد غیر قانونی طور پر ملک میں داخل ہوئے، جن میں ان کے بقول “مجرم اور ذہنی مریض” بھی شامل تھے۔

انہوں نے بائیڈن کو “نااہل” قرار دیتے ہوئے کہا کہ کھلی سرحدی پالیسی امریکی سلامتی کے لیے خطرہ ہے۔

ٹرمپ نے اس بات پر زور دیا کہ کچھ جج ایسے فیصلے کر رہے ہیں جو جرائم پیشہ عناصر کو فائدہ پہنچاتے ہیں، لیکن ساتھ ہی انہوں نے سپریم کورٹ اور دیگر “اچھے اور ہمدرد” ججوں پر اعتماد ظاہر کیا کہ وہ ان پالیسیوں کے اثرات کو روکیں گے۔

سابق صدر نے کہاکہ، “گزشتہ چار مہینوں میں ہم نے بڑی پیش رفت کی ہے، اور امریکا جلد ہی دوبارہ محفوظ اور عظیم بنے گا۔”