ملک بھر میں عیدالاضحیٰ کے پُرمسرت موقع پر عوام کے لیے خوشخبری آ گئی، وزیراعظم شہباز شریف نے عیدالاضحیٰ کی چار روزہ تعطیلات کی باقاعدہ منظوری دے دی ہے۔
وزیر اعظم کے اعلان کے تحت جمعہ 6 جون سے پیر 9 جون تک ملک بھر میں عام تعطیلات ہوں گی۔
بول نیوز کے مطابق وزارتِ داخلہ کی سفارش پر وزیراعظم نے تعطیلات کے اعلان کی منظوری دی، جس کے بعد تمام سرکاری و نجی دفاتر، تعلیمی ادارے اور بینکس بند رہیں گے۔
عید کی تعطیلات کے اس اعلان سے شہریوں میں خوشی کی لہر دوڑ گئی ہے، خاص طور پر وہ افراد جو دور دراز علاقوں سے تعلق رکھتے ہیں، اب پرسکون انداز میں اپنے پیاروں کے ساتھ عید منا سکیں گے۔
چار روزہ تعطیلات کی وجہ سے شہریوں نے ٹریول پلانز اور قربانی کی تیاریوں کو حتمی شکل دینا شروع کر دی ہے۔
Advertisement
بس اڈوں، ریلوے اسٹیشنوں اور آن لائن بکنگ پلیٹ فارمز پر رش بڑھنے لگا ہے، جبکہ مویشی منڈیوں میں بھی خریداروں کی آمد تیز ہو گئی ہے۔
حکومتی ترجمان نے عوام سے اپیل کی ہے کہ وہ عیدالاضحیٰ کے موقع پر صفائی، قربانی کے جانوروں کی دیکھ بھال اور ٹریفک قوانین کا خاص خیال رکھیں تاکہ یہ تہوار امن، خوشی اور ذمہ داری کے ساتھ منایا جا سکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
