تجارتی ٹیرف محدودہواتوپاک بھارت جنگ پھرچھڑسکتی ہے،امریکی حکام نے انتباہ کردیا۔ صدر ٹرمپ کے تجارتی ٹیرف کو محدود کرنے کے عدالتی فیصلے کےخلاف اپیل دائرکردی گئی۔

امریکی حکام کامؤقف ہے کہ یہ فیصلہ علاقائی سلامتی اورتجارتی معاہدوں کوخطرے میں ڈال سکتاہے۔ حکام نے پاک بھارت کشیدگی دوبارہ سراٹھانے کاخدشہ ظاہرکیاہے۔

ان کا کہنا ہے کہ اگر ایسا ہوا تو لاکھوں جانیں خطرے میں پڑ سکتی ہیں۔

امریکی حکام کے مطابق صدرٹرمپ نے پاک بھارت کشیدگی کے خاتمے کےلئے تجارتی ٹیرف کواستعمال کیا۔

واضح رہے کہ گزشتہ روزامریکی عدالت نے تجارتی ٹیرف کے خلاف فیصلہ سنایاتھا۔ جس میں کہاگیاکہ صدرٹرمپ نے بڑے پیمانے پرمحصولات عائد کرنے کے اپنے اختیار سے تجاوز کیا۔

مزید پڑھیں : ٹرمپ کی کینیڈا کو انوکھی پیشکش! گولڈن ڈوم دفاعی نظام مفت لے لو!

علاوہ ازیں امریکی حکام نے گزشتہ سشب ہی فوری طور پر فیصلے کے خلاف اپیل کردی ہے ۔ اس اقدام نے  صارفین اور کمپنیوں کے لیے صورتحال کو غیر یقینی بنا دیا۔

قبل ازیں تجارتی ٹیرف کے خلاف یہ فیصلہ یوایس کورٹ آف انٹرنیشنل ٹریڈ کے تین ججز کے پینل نے سنایاتھا۔

عدالت نے “مستقل حکم امتناعی کو نافذ کرنے کے لیے” انتظامی احکام کے لیے 10دنوں کی مہلت دی ہے۔

ٹرمپ نے اپنے باہمی محصولات کا اعلان2 اپریل کو کیاتھا۔ جس میں امریکاکے کچھ قریبی تجارتی اتحادیوں سے درآمدات پر اہم محصولات عائد کیے گئے –

حالانکہ اس کے فوراً بعد اس نے 9 اپریل کو 90 دن کا وقفہ نافذ کیا۔