پاکستان اسٹاک ایکسچینج (PSX) میں کاروباری ہفتے کے تیسرے دن تیزی دیکھنے کو ملی۔ KSE-100 انڈیکس میں 960 پوائنٹس کا اضافہ ہوا، جس کے نتیجے میں انڈیکس 119,931 پوائنٹس پر بند ہوا۔
ٹریڈنگ کے دوران انڈیکس کی بلند ترین سطح 120,106 پوائنٹس ریکارڈ کی گئی، جبکہ پست ترین سطح 119,128 پوائنٹس رہی۔کاروبار کے دوران مارکیٹ میں 26 ارب روپے مالیت کے 66 کروڑ حصص کے سودے ہوئے۔
یہ بھی پڑھیں: ساحل سمندر پر اٹھکیلیاں کرتی شہناز گل کی ویڈیو وائرل
مارکیٹ میں مجموعی طور پر 463 کمپنیوں کے حصص کا کاروبار ہوا، جن میں سے 287 کمپنیوں کے حصص کی قیمتوں میں اضافہ اور 125 کمپنیوں کے حصص کی قیمتوں میں کمی ہوئی۔
کمرشل بینکس، آئل مارکیٹنگ، پاور جنریشن اور ریفائنری سیکٹرز میں خریداری دیکھی گئی، جس نے انڈیکس کی تیزی میں اہم کردار ادا کیا۔ گذشتہ روز انڈیکس 118,971 پوائنٹس پر بند ہوا تھا۔
Advertisement
ماہرین کے مطابق، مارکیٹ میں یہ تیزی مقامی سرمایہ کاروں کی جانب سے خریداری کی وجہ سے آئی ہے، جو حکومت کی مالیاتی اصلاحات اور آئی ایم ایف کے ساتھ ممکنہ معاہدے کی توقعات سے متاثر ہیں۔ اگر یہ رجحان برقرار رہا تو مارکیٹ میں مزید بہتری کی امید کی جا سکتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
