غزہ میں اسرائیلی فوج کے حملے جاری، بمباری سے مزید 66 فلسطینی شہید

ویب ڈیسک

24th May, 2025. 11:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ میں اسرائیلی فوج کے حملے جاری، بمباری سے مزید 66 فلسطینی شہید

غیر ملکی میڈیا رپورٹس کے مطابق غزہ میں اسرائیلی فوج کے حملے رکنے کا نام نہیں لے رہے، اسرائیلی افواج کے تازہ حملوں میں مزید 66 فلسطینی شہید ہوگئے ہیں۔

اسرائیلی فضائی حملوں میں مزید 66 فلسطینی شہید اور 185 سے زائد زخمی ہیں، جبالیہ میں ایک عمارت مکمل طور پر منہدم ہو گئی، جبکہ 50 سے زائد فلسطینی ملبے تلے دب کر لاپتہ بھی ہے۔

قطری خبررساں ادارے کے مطابق اسرائیلی حملے میں غزہ کے جنوبی علاقے خان یونس کے المحل محلے میں بھی ایک رہائشی عمارت کو نشانہ بنایا گیا، جس کے نتیجے میں کم از کم 3 فلسطینی شہید اور 20 سے زائد زخمی بھی ہوئے۔

دوسری جانب 2روز میں فاقہ کشی سے بچوں سمیت 29 فلسطینی شہید ہوچکے ہیں۔

اقوام متحدہ کے اداروں کے مطابق مختصر امدادی سامان مارکیٹ، اسپتالوں اور کھانے تقسیم کرنےوالے باورچی خانوں تک نہیں پہنچ سکا ہے۔

اقوام متحدہ کے جنرل سیکریٹری انتونیو گوتیرس نے کہا کہ اسرائیل کی جانب سے غزہ میں فراہم کی جانے والی امداد کی اجازت آٹے میں نمک کے برابر ہے۔