خطے میں بھارت مکمل طور پرتنہارہ گیا۔ بنگلہ دیش نے بھی جوابی اقدامات کے طورانڈین گارڈن ریچ شپ بلڈرز سے 21 ملین ڈالر کا آرڈرمنسوخ کر دیاہے۔

اطلاعات کے مطابق اب یہ منصوبہ ترکیہ اور پاکستان کے ساتھ مل کرمکمل کیاجائےگا۔ یہ معاہدہ ایک جدید سمندری ٹگ شپ کی تعمیرکامصوبہ تھا۔ 24 ماہ میں اس کی تعمیر کامنصوبہ مکمل ہوناتھا۔

گارڈن ریچ شپ بلڈرز اینڈ انجینئرز لمیٹڈ سے تقریباً 180 کروڑ روپے کا آرڈر تھا۔ بدھ کو ایک ایکسچینج فائلنگ کے مطابق، یہ معاہدہ سمندر میں چلنے والے ایک جدید ٹگ کی تعمیر کے لیے تھا۔

یہ آرڈر، جس کی مالیت $21 ملین ہے، ڈائریکٹوریٹ جنرل ڈیفنس پرچیز، وزارت دفاع، بنگلہ دیش کی جانب سے تھی۔

واضح رہے کہ ہندوستان اوربنگلہ دیش کے درمیان تعلقات گزشتہ سال شیخ حسینہ کی برطرفی کے بعد سے کشیدہ ہیں۔

محمد یونس کی قیادت میں عبوری حکومت بھی چین کے قریب آگئی،جس نے 2.1 بلین ڈالرکے نئے سودے حاصل کیے۔

گزشتہ ہفتے  ہندوستان نے بنگلہ دیش سے درآمدات پر پابندیاں لاگو کی تھیں۔ جن کی مالیت $770 ملین (6,600 کروڑ روپے) تھی۔  جس میں دو طرفہ درآمدات کا تقریباً 42 فیصد شامل تھا۔

یہ اقدام ڈھاکہ کی بھارتی یارن،چاول ودیگراشیا پرحالیہ پابندیوں کے ساتھ  بھارتی کارگوپرٹرانزٹ فیس کے نفاذ کاجواب ہے۔ علاوہ ازیں بنگلہ دیش نے بھارت نے ماضی کے تعاون سے علیحدگی کا اشارہ دیا ہے۔