پاکستانی باکسر نے باکسنگ مقابلے میں بھارتی حریف کو پچھاڑ دیا

ویب ڈیسک

03rd May, 2025. 04:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی باکسر نے باکسنگ مقابلے میں بھارتی حریف کو پچھاڑ دیا

باکسنگ مقابلے میں پاکستانی باکسر سندھ پولیس کے کمانڈو شہیر آفریدی نے اپنے روایتی حریف بھارتی باکسر ترجوت سنگھ باوا کو شکست دے دی، باکسنگ کے اس مقابلے کا انعقاد تھائی لینڈ میں کیا گیا تھا۔

شہیر آفریدی نے شاندار کھیل کا مظاہرہ کرتے ہوئے اپنے حریف کو چوتھے رائونڈ میں پچھاڑا، البتہ شہیر آفریدی تیسرے رائونڈ میں ہی اپنے حریف پر نفسیاتی برتری حاصل کرچکے تھے۔

یہ بھی پڑھیں: سوشل میڈیا پر شدید ٹرولنگ کے بعد ویرات کوہلی وضاحت دینے پر مجبور

تھائی لینڈ میں ہونے والے رینکنگ فائٹ کے اس مقابلے میں شہیر آفریدی کے بھارتی حریف ترجوت سنگھ تیسرے رائونڈ میں لڑ کھڑا ئے اور چوتھے رائونڈ میں شکست کھا گئے، جبکہ ریفری نے چوتھے رائونڈ میں ترجوت سنگھ کو مزید کھلنے سے روک دیا۔

شہیر آفریدی سندھ پولیس کے کمانڈو اور ابھرتے ہوئے باکسر ہیں، جنہوں نے اب تک 17 پروفیشنل فائٹس میں حصہ لیا ہے، جن میں سے 15 میں فتح حاصل کی، صرف ایک ہارے جبکہ ایک مقابلہ برابر رہا۔

اس سے قبل جولائی 2024 میں بھی شہیر آفریدی نے تھائی لینڈ میں بھارتی باکسر رونت سولنکی کو تیسرے راؤنڈ میں ناک آؤٹ کر کے ایشین چیمپئن کا ٹائٹل اپنے نام کیا تھا۔

انہوں نے اے بی ایف اور ڈبلیو بی سی ایشیا کے ٹائٹل بھی جیتے ہیں، اور وہ پاکستان کے لیے بیک وقت تین ایشین ٹائٹل جیتنے والے باکسرز کی فہرست میں شامل ہو گئے ہیں۔