پاکستان سپر لیگ سیزن 10 کے 28 ویں میچ میں کوئٹہ گلیڈی ایٹرز نے ملتان سلطانز کو ایک دلچسپ مقابلے کے بعد 2 وکٹوں سے شکست دے دی۔

گلیڈی ایٹرز نے سلطانز کا 185 رنز کا ہدف میچ کے آخری اوور کی آخری گیند پر حاصل کر لیا۔

سعود شکیل نے 18 رنز بنائے، خواجہ نافع نے 51 رنز کی شاندار اننگ کھیلی، حسن نواز 67 رنز کی ناقابل شکست اننگ کھیل کر پلیئر آف دی میچ قرار پائے۔

فہیم اشرف نے 16 رنز بنائے۔

ملتان سلطانز کی جانب سے شاہد عزیز نے 3، جبکہ پیٹر ، عبید شاہ اور محمد حسنین نے ایک، ایک کھلاڑی کو آؤٹ کیا۔

اس سے قبل ملتان سلطانز نے ٹاس جیت کر راولپنڈی کے کرکٹ اسٹیڈیم میں پہلے کھیلتے ہوئے مقررہ 20 اوورز میں 7 وکٹوں کے نقصان پر 185 رنز بنائے۔

ملتان سلطانز کی جانب سے یاسر خان 25 گیندوں پر 45 رنز بنا کر نمایاں رہے، جبکہ طیب طاہر نے 36 اور جہانزیب سلطان نے 25 رنز اسکور کیے

یہ بھی پڑھیں:  کوئٹہ گلیڈی ایٹرز 6 میچز جیت کر 13 پوائنٹس کے ساتھ سرفہرست 

کوئٹہ گلیڈی ایٹرز کی جانب سے عثمان طارق سب سے کامیاب بالر ثابت ہوئے جنھوں نے 32 رنز دے کر 3 وکٹیں حاصل کیں، جبکہ خرم شہزاد، فہیم اشرف، ابرار احمد اور محمد وسیم نے ایک، ایک وکٹ حاصل کی۔

ہدف کے تعاقب میں کوئٹہ گلیڈی ایٹرز کی بیٹنگ جاری ہے، کوئٹہ گلیڈی ایٹرز نے ابتدائی 4 اوور میں بغیر کسی نقصان کے 38 رنز بنا لیے ہیں۔

اس وقت کوئٹہ گلیڈی ایٹرز کے اوپنرز سعود شکیل اور خواجہ نافع کریز پر موجود ہیں۔