غزہ جنگ بندی کے حوالے سے بڑا بیان آگیا۔ امریکی صدر ڈونلڈ ٹرمپ نے آئندہ چندگھنٹے اہم قراردیدیے۔ فلسطینی گروپ کی جانب سے جواب کو انتظارہے ۔

امریکی صدرڈونلڈٹرمپ نے جلد ہی غزہ جنگ بندی کے اعلان کاعندیہ دیدیا۔ انہوں نے کہاہے کہ متوقع طور آج یاکل تک اس کا اعلان ہوجائےگا۔

یہ بات انہوں نے اوول آفس میں میڈیا سے گفتگوکرتے ہوئے کہی۔ ان کا کہناتھاکہ ہم جنگ بندی کے قریب ہیں ۔ ان کا کہناتھاکہ اسرائیل اور حماس کے پاس اس کانادرموقع موجودہے۔

وائٹ ہائوس کی جانب سے کہاگیاتھاکہ جنگ بندی کی تجویزپردستخط کردیے گئے ہیں ۔ یہ تجویزامریکا کی جانب سے حماس کوبھیج دی گئی ہے ۔

اب ڈونلڈٹرمپ کی جانب سے بیان سامنے آیا ہے کہ غزہ جنگ بندی کااعلان جلد متوقع ہے ۔

مزید پڑھیں : امریکی صدر نے اسرائیل کو ایران پر حملے سے خبردار کردیا

ڈونلڈٹرمپ اپنی صدارت کے دوسری مدت کے دوران خودکو ایک عالمی لیڈرکے طورپرپیش کرنے کی کوشش کررہے ہیں۔

انہوں نے حالیہ پاک بھارت جنگ میں بھی ثالثی کا مکمل سہرا اپنے سر لیاتھا۔

علاوہ ازیں دورہ مشرق وسطیٰ کے دوران انہوں نے شام پر عائد پابندیاں ہٹائے جانے کا امکان ظاہرکیاتھا۔

گزشتہ دنوں انہوں نے اسرائیل کو بھی واضح طور پرکہاتھاکہ وہ ایران پر کوئی بھی حملہ کرنے سے گریزکرے۔

ڈونلڈ ٹرمپ عرب دنیا سے اپنے تعلقات کو مزید مضبوط بنانا چاہتے ہیں۔ اس کے لئے وہ سلگتے ہوئے مسائل پر پانی ڈالنے کے اپنے مشن پرگامزن ہیں۔

واضح رہے کہ امریکی حکام کی جانب سے ابتدائی طورپر2 ماہ کے لئے غزہ جنگ بندی کی تجویز دی گئی ہے۔

فلسطینی گروپ کی جانب سے فی الحال اس حوالے سے کوئی جواب نہیں دیاگیا۔

مگرامریکی حکام کاکہناہے کہ اس تجویز پر غور جاری ہے اور امید ہے کہ جلد ہی مثبت جواب مل جائےگا۔