فیصل آباد:مشیر وزیراعظم  رانا ثنا اللہ نے عوامی اجتماع سے خطاب کرتے ہوئے کہا ہے کہ پاکستان کوسبق سکھانے کی دھمکیاں دینے والا بھارت سن لے ! ابدالی میزائل میں ایٹمی ہتھیارلے جانے کی صلاحیت رکھتاہے۔

انہوں نے کہاکہ بھارت پہلگام ڈرامے کی آڑ میں کشمیریوں کی جدوجہد ثبو تاژ کرنا چاہتا ہے، مودی سرکار پاکستان کیخلاف بے بنیاد پروپیگنڈا کررہی ہے  مگر پاکستان نے بھارت کے بے بنیاد پروپیگنڈے کو ناکام بنایا۔

رانا ثنا کا کہنا تھا کہ پاکستان نے پہلگام واقعہ کی غیرجانبداراورآزاد تحقیقات کی پیشکش کی، بھارت نے سفاکانہ عمل کرتے ہوئے علاج  کیلئے جانے والوں کو واپس بھیج دیا۔

انہوں نے کہاکہ بھارت پہلگام واقعہ کے بعد پاکستان کو سبق سکھانے کی دھمکیاں دےرہا ہے، بھارت نے جو اقدام کیاپاکستان نے اسی طرح جواب دیا۔

رانا ثنا اللہ نے کہاکہ مقبوضہ کشمیر میں مظالم ڈھائے جارہے ییں، پاکستان کشمیری بہن بھائیوں کی حمایت جاری رکھے گا، مظالم کے باوجود کشمیریوں کے حوصلے بلند ہیں۔

ان کا کہنا تھا کہ بھارت کشمیرمیں اتنا ظلم76 سال میں نہیں ہواجوپ ہہلگام واقعہ کے بعد ہوا ہے، مودی نے آئی ایم ایف سے پاکستان کے معاہدے کو منسوخ کرنے کا مطالبہ کیا ہے۔

مشیروزیراعظم نے مزید کہا کہ مودی دیکھ لے پاکستان کی میزائل صلاحیت دنیا میں کئی ممالک سے زیادہ بہتر ہے، پاکستان پرحملہ کیا گیا توبھرپور جواب دیں گے،ہم نے دنیا کو یقین دلایا ہے ہماری طرف سے پہل نہیں ہوگی۔

رانا ثنا نے صحافیوں  سے کہا؟

انہوں نے کہاکہ حکومتی اقدامات سے معیشت درست سمت میں گامزن ہے، جمہوریت کیلیےآزادصحافت ضروری ہے،صحافیوں سےدرخواست ہے کہ ہمارے ساتھ  بیٹھیں، قوانین پربات کریں۔

ان کا مزیر کہنا تھاکہ  مسلم لیگ ن کبھی بھی آزادی صحافت کے خلاف نہیں ہوسکتی، پی ٹی آئی نے گالم گلوچ کے کلچر کوفروغ دیاجس کی وجہ سے بعض قوانین میں ترمیم کرناپڑی۔

مشیر وزیراعظم نے کہاکہ چندعناصرنے ملکی مفادکیخلاف مذموم مہم چلائی،پاکستان نے ہمیشہ دہشت گردی کی مذمت کی،بھارت نے پہلگام واقعہ کواستعمال کرتے ہوئے سندھ طاس معاہدہ معطل کردیا۔