امریکا کے معروف اشاعتی ادارے نے مودی سرکار کے جنگی جنون پر تجزیہ دیتے ہوئے کہا کہ بھارت پاکستان کی عسکری صلاحیت کے حوالے سے کسی خوشی فہمی میں نہ رہے۔

امریکی اخبار واشنگٹن پوسٹ نے آج اپنے ایک تجزیے میں لکھا ہے کہ پاکستان کے ہاتھوں بھارتی طیاروں کی تباہی اور خاص طور پر رافیل جیسے جدید ترین جنگی طیارے کے جلتے ملبے نے بھارت کو بہت بڑا جواب دے دیا ہے۔

اخبار لکھتا ہے کہ تقابلی جائزے میں عسکری لحاظ سے کم تر پاکستانی فوج نے جس پیشہ ورانہ مہارت کے ساتھ رافیل طیاروں کو تباہ کیا اس سے اندازہ ہوتا ہے کہ پاکستان کے پاس بھارتی جنگی ہتھیاروں کا مقابلہ کرنے اور انہیں بھاری نقصان پہنچانے کی صلاحیت موجود ہے۔

مزید پڑھیں: بھارتی بری فوج بھی ناکام، پاکستان نے رافیل طیاروں کے بعد اسرائیلی ڈرونز بھی تباہ کر دیے

پاک بھارت کشیدگی اور دونوں ممالک کی ایٹمی صلاحیت کے حوالے سے امریکی اخبار نے خدشے کا اظہار کیا اور لکھا کہ کشیدگی سے خطے کو شدید خطرات لاحق ہیں۔

واضح رہے کہ 1971 کے بعد یہ پہلا موقع ہے جب بھارت نے پاکستان میں پنجاب پر براہ راست حمہ کیا، امریکی اخبار نے اس حملے پر لکھا کہ ردعمل میں پاکستان نے بھارت کے جنگی طیاروں کو اسی کی حدود میں تباہ کر کے یہ ثابت کر دیا کہ پاکستانی فوج کے پاس ڈیٹرنس کا بہترین نظام موجود ہے۔

امریکی اخبار نے بھارت کی مودی سرکار کو مشورہ دیا کہ مودی سرکار بھارت سندھ طاس معداہدے کو بحال کر دے تو جواب میں پاکستان بھی مثبت اقدامات کی جانب قدم بڑھا سکتا ہے۔