پاکستان نے دعویٰ کیا ہے کہ اس کی افواج نے بھارتی ایس-400 ڈیفنس سسٹم کے اہم حصوں کو مؤثر طریقے سے تباہ کر دیا ہے، اور اس دعوے کے ساتھ ٹھوس شواہد بھی عالمی برادری کے سامنے پیش کیے ہیں۔

بھارتی میڈیا میں ایک متنازع تصویر دوبارہ شیئر کی گئی ہے جس میں وزیر اعظم نریندر مودی کو ایس-400 کے لانچر کے سامنے کھڑے دکھایا گیا ہے۔

اس تصویر کا مقصد بھارت کی عسکری کامیابی کو بڑھا چڑھا کر پیش کرنا تھا، تاہم پاکستانی حکام نے اس تصویر کو محض بھارت کی جنگی ناکامی کا پوشیدہ اعتراف قرار دیا ہے۔

یہ تصویر 2019 کی ہے، جسے معروف بھارتی صحافی شیو اروڑ نے دوبارہ سوشل میڈیا پر شیئر کیا۔ اس کے ذریعے بھارت کی جانب سے ایس-400 سسٹم کے نقصان کو چھپانے کی کوشش کی گئی تھی۔

مزید پڑھیں: پاکستان کا انڈین براہموس میزائل کو ہدف سے بھٹکانے کا دعویٰ کتنا سچا؟؟؟

تاہم پاکستانی افواج نے اس بات کا انکشاف کیا کہ صرف لانچر ہی نہیں بلکہ ایس-400 کے ریڈار، کمانڈ پوسٹ، اور دیگر اہم حصے بھی پاکستان کی موثر کارروائی کا شکار ہوئے۔

ایس-400 سسٹم دراصل 12 یونٹس پر مشتمل ایک جدید دفاعی نظام ہے، جو بھارت کی فضائی حدود کی حفاظت کے لیے اہم سمجھا جاتا ہے۔

لیکن پاکستانی حکام کے مطابق، ان کی افواج نے ایس-400 سسٹم کو نہ صرف غیر فعال کیا بلکہ اس کے تمام بنیادی اجزاء کو تباہ کر دیا، جس سے بھارتی دفاعی پوزیشن میں واضح نقصان آیا۔