اسلام آباد:وزیراعظم شہبازشریف، فیلڈمارشل جنرل سید عاصم منیراور وفاقی وزرانے اسپتال پہنچ کر سانحہ خضدار کے زخمی بچوں کی عیادت کی۔

بعدازاں وزیر اعظم شہباز شریف کوئٹہ کا دورہ مکمل کر کے اسلام آباد پہنچ گئے۔ قبل ازیں سوسل و عسکری قیادت کوکوئٹہ میں  سانحہ خضدار پر تفصیلی بریفنگ دی گئی۔

وزیراعظم شہباز شریف نے خضدار بس حملے کے بعد کوئٹہ جانے کا فیصلہ کیا تھا۔ وزیراعظم کے ہمراہ فیلڈ مارشل سید عاصم منیر اور کابینہ اراکین بھی تھے۔

بلوچستان کی سیکورٹی صورتحال پر وزیراعظم شہباز شریف کی زیر صدارت اعلی سطح اجلاس ہوا۔

اجلاس میں وزیر اعلی بلوچستان اعلی عسکری اور سول حکام کی شرکت کی۔

وزیراعظم کو خضدار بس حملہ اور بلوچستان کی مجموعی سیکیورٹی صورتحال پر تفصیلی بریفنگ دی گئی۔

بزدلانہ کاراروائی میں معصوم بچوں کونشانہ بنایا گیا، فتننہ ال ہندوستان ملوث ہے،وزیراعظم

علاوہ ازیں وزیراعظم شہباز شریف، وفاقی وزرااورآرمی چیف فیلڈ مارشل عاصم منیر کے دورہ کوئٹہ پراعلامیہ جاری کردیاگیا۔

اعلامیے میں کہاگیاکہ دہشت گردی کی بزدلانہ کاراروائی میں خضدار میں معصوم بچوں کی بس کو نشانہ بنایا گیا۔  فتننہ ال ہندوستان کی اسپانسرڈ پراکسیز خضدار حملے میں ملوث ہیں۔

اعلامیے کے مطابق پوری دنیا کو معلوم ہو گیا ہے کہ خطے میں عدم استحکام کا مرکز ہندوستان ہے۔ پراکسیز کے ذریعے بلوچستان اور خیبر پختونخوا میں دہشت گرد حملوں میں تیزی آگئی ہے۔

اعلامیے میں کہاگیاکہ دہشت گرد حملوں میں سویلینز کو نشانہ بنا کر پاکستان کو غیر مستحکم کرنے کی ناکام کوشش کی جا رہی ہے۔

علاوہ ازیں  وزیراعلی بلوچستان سرفراز بگٹی اور کور کمانڈر بلوچستان کی خضدار حملے پر تفصیلی بریفنگ دی۔

3 معصوم بچوں سمیت 5 افراد شہید, 53 زخمی ہوئے،بریفنگ

بریفنگ میں بتایاگیاکہ دہشت گردوں کے حملے میں تین معصوم بچوں سمیت 5 افراد شہید, 53 زخمی ہوئے جن میں39 معصوم بچے ہیں جن میں سے 8 کی حالت تشویشناک ہے۔

مزید براں وزیراعظم، آرمی چیف اور وفاقی وزرا کا واقعے میں معصوم جانوں کے ضیا پر افسوس کا اظہارکیا۔  بھارت کی جانب سے اپنی پراکسیز کے ذریعے معصوم بچوں پر حملے کوانتہائی شرمناک حرکت قراردیاگیا۔

اعلامیے میں کہاگیاکہ یہ دہشت گرد گروپ قومیت کی آڑ میں بھارت کے ہاتھ میں ریاستی پالیسی کے آلہ کار کے طور پر کھیل رہے ہیں۔ یہ دہشت گرد بلوچوں اور پشتونوں کے وقار اور اقدار پر بدنما داغ ہیں۔