فرنچ اوپن 2025، تاریخ کا سب سے مہنگا ٹورنامنٹ جیتو اور بن جاؤ کروڑ پتی

ویب ڈیسک

23rd May, 2025. 11:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فرنچ اوپن 2025، تاریخ کا سب سے مہنگا ٹورنامنٹ جیتو اور بن جاؤ کروڑ پتی

رواں سال چوتھا موقع ہے جب فرنچ اوپن کی انعامی رقم میں مسلسل اضافہ کیا گیا

سال کے دوسرے گرینڈ سلم فرنچ اوپن (رولینڈ گیروس) کے لیے انعامی رقم میں اس بار ریکارڈ اضافہ کر دیا گیا ہے۔

منتظمین کے مطابق پیرس میں اتوار سے شروع ہونے والے اس ایونٹ کی مجموعی انعامی رقم 5.21 فیصد اضافے کے بعد 63.7 ملین ڈالر تک پہنچ گئی ہے۔

یہ اضافہ گزشتہ برس کی انعامی رقم کے مقابلے میں 1 لاکھ 70 ہزار ڈالر زیادہ ہے۔ مینز اور ویمنز سنگلز کیٹیگری کے فاتحین کو فی کس 2.9 ملین ڈالر انعام دیا جائے گا، جو کہ فرنچ اوپن کی تاریخ میں ایک نیا سنگ میل ہے۔

2021 میں کوویڈ-19 کے اثرات کے باعث انعامی رقم میں کمی کی گئی تھی، تاہم اس کے بعد سے اب تک ایونٹ کی مجموعی انعامی رقم میں 60 فیصد کا اضافہ ہو چکا ہے۔

رواں سال چوتھا موقع ہے جب فرنچ اوپن کی انعامی رقم میں مسلسل اضافہ کیا گیا ہو۔

فرنچ اوپن ٹینس کا وہ گرینڈ سلم ہے جو سرخ مٹی کی کورٹ پر کھیلا جاتا ہے اور تکنیکی مہارت، جسمانی قوت اور ذہنی استقامت کا سخت امتحان ہوتا ہے۔

ہر سال دنیا بھر سے نامور کھلاڑی پیرس کا رخ کرتے ہیں، اور یہ ایونٹ ٹینس کے کیلنڈر کا اہم حصہ سمجھا جاتا ہے۔