نائیجیریا میں شدید بارشوں کے بعد تباہ کن سیلاب، 115 افراد جاں بحق

ویب ڈیسک

31st May, 2025. 11:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نائیجیریا میں شدید بارشوں کے بعد تباہ کن سیلاب، 115 افراد جاں بحق

نائیجیریا میں موسلادھار بارشوں کے نتیجے میں آنے والے ہولناک سیلاب نے تباہی مچادی، مختلف حادثات میں 115 افراد جاں بحق ہوگئے ہیں۔

غیر ملکی خبر رساں ایجنسی کے مطابق وسطی نائیجیریا کے مختلف علاقوں میں شدید بارشوں کے بعد سیلاب نے نظام زندگی درہم برہم کردی اور کم از کم 115 افراد ہلاک ہوگئے ہیں جبکہ یہ تعداد مزید بڑھنے کا خدشہ ہے۔

رپورٹ کے مطابق یہ ہولناک سیلاب بدھ کی رات سے جمعرات کی صبح تک ہونے والی موسلادھار بارشوں کے باعث آیا، جس نے ریاست نائیجریا کے کنارے واقع شہر موکوا اور آس پاس کے علاقوں میں تباہی مچائی۔

نائیجر اسٹیٹ ایمرجنسی مینجمنٹ ایجنسی کے ترجمان نے بتایا کہ اب تک 115 لاشیں نکالی جا چکی ہیں جبکہ کئی افراد تاحال لاپتہ ہیں ،مزید لاشیں ملنے کا امکان ہے کیونکہ کافی افراد دریائے نائیجر میں بہہ گئے ہیں۔

ترجمان نے بتایا کہ کچھ لاشیں تباہ شدہ گھروں کے ملبے سے نکالی گئیں، امدادی ٹیموں کی جانب سے ریسکیو آپریشن جاری ہے۔

مقامی رہائشی بھی ملبے میں اپنے پیاروں کو ڈھونڈتے نظر آئے جبکہ سیلابی پانی اب بھی کئی علاقوں میں موجود ہے۔