امریکی جریدے نیشنل انٹرسٹ نے پاک بھارت جنگ میں پاک فضائیہ کی برتری کو تسلیم کرتے ہوئے لکھا ہے کہ عام تاثر یہ تھا کہ بھارت کو پاکستان پر برتری حاصل ہے، مگر پاکستان نے اپنی صلاحیتوں کا لوہا منوا لیا۔

پاکستانی فضائیہ نے یہ پیغام پوری دنیا کو پہنچا دیا ہے کہ بھارت خود کو برتر نہ سمجھے، دنیا اس پیغام کو نہ صڑف سمجھ رہی ہے، بلکہ کھلے دل سے اعتراف بھی قرار رہی ہے اور داد و تحسین کے ڈونگرے بھی برسا رہی ہے۔

نیشنل انٹرسٹ کے مطابق جنگیں فریقین کے غرور اور لاعلمی سے جنم لیتی ہیں، بھارت نے پہلگام حملے کے شواہد دینے کے بجائے پاکستان پر حملہ کیا، اس طرح بھارت عالمی سطح پر تنہائی کا شکار بھی ہوگیا۔

امریکی جریدے نے تجزیہ کیا کہ بھارتی خارجہ پالیسی نے اسے عالمی حمایت سے محروم کر رکھا ہے،  روس، بھارت کا دیرینہ اتحادی ہے مگر وہ بھی اس تنازعے پر خاموش رہا۔

امریکی جریدے نے لکھا کہ بھارت کو نیوکلئیر کمانڈ اور کنٹرول سسٹم میں پاکستان سے بہتر تصور کیا جاتا رہا مگر پاکستان فوج نے غیر معمولی صلاحیتوں کا مظاہرہ کیا، بھارت کے پاس یورپی اور روسی ساختہ جدید ہتھیاروں کا امتزاج ہے جبکہ پاکستان کو چین اور ترکی مدد حاصل رہی۔

نیشنل انٹریسٹ کے مطابق پاکستان ائیرفورس نے ابتدائی بھارتی فضائی حملوں کو روک کر غیرمعمولی دفاع صلاحیت ثابت کی، پاکستان نے آپریشن کے آغاز میں ہی بھارتی فضائیہ کے 5 جنگی طیارے مار گرائے۔

امریکی جریدے نے لکھا کہ بھارتی پائلٹس میں مناسب فلائٹ ٹریننگ کی شدید کمی ہے، بھارتی ائیرفورس کی غیر معیاری ٹریننگ نے بھارتی جنگی صلاحیت کو متاثر کیا اوربھارت کے جدید ترین رافیل طیاروں کا نقصان، نئی دہلی کی ساکھ کے لیے ایک بڑا دھچکا ہے۔

نیشنل انٹرسٹ کے مطابق پاکستان فضائیہ کی برتری کی بڑی وجہ پاک فضائیہ کے پائلٹس کی بہتر تربیت اور جنگی تجربہ ہے، پاکستانی پائلٹس افغانستان کے ساتھ سرحدی علاقے میں مسلسل انسداد دہشت گردی آپریشنز کرتے رہے ہیں۔