ترجمان دفتر خارجہ کے مطابق نائب وزیر خارجہ اسحاق ڈار نے اسلام آبادمیں متعین سفیروں کو بھارتی جارحیت سے پیدا ہونے والی صورتحال سے آگاہ کردیا۔

 بریفنگ کے دوران نائب وزیراعظم اسحاق ڈار کی طرف سے پاکستان کی سلامتی کی خلاف ورزی سے پیدا ہونے والی صورتحال پرروشنی ڈالی گئی۔

ترجمان دفترخانہ کے مطابق نائب وزیراعظم اسحاق ڈار نے کہاکہ بھارتی جارحیت نہ صرف پاکستانی خودمختاری کی خلاف ورزی کی بلکہ علاقائی امن و سلامتی  کوبھی خطرے میں ڈال دیا۔

اسحاق ڈار نے کہاکہ بھارتی کارروائیاں یو این چارٹر اور بین الاقوامی قوانین کی صریحا خلاف ورزی ہیں، بھارتی جارحانہ کارروائیاں بین الریاستی تعلقات کی روایات کے برعکس ہیں

نائب وزیراعظم  نے بھارت کی طرف سے دہشت گردوں کے انفراسٹرکچر کو نشانہ بنانے کے دعوے کو مسترد کر دیا۔

اسحاق ڈار نے سفیروں سے کہاکہ  پہلگام حملے کو پاکستان سے منسوب کرنے کا کوئی قابل بھروسہ ثبوت موجود نہیں۔

نائب وزیراعظم کا کہنا تھاکہ بھارتی قیادت ایک بار پھر دہشت گردی کی اڑ میں مظلومیت کا ڈھونگ رچانے کی کوشش کر رہی ہے ۔

اسحاق ڈار نے سفیروں سے کہاکہ بھارت نے عالمی برادری کی طرف سے کشیدگی میں کمی اور تحمل کے مظاہرے کی کسی اپیل پر کان نہیں دھرے۔

نائب وزیراعظم نے بین الاقوامی برادری بھارت کو غیر ذمہ دارانہ رویے پر ذمہ دار قرار دے۔