اسلام آباد میں تیز آندھی اور بارش کے باعث فلائٹ آپریشن متاثر، متعدد پروازوں کا رخ موڑ دیا گیا

ویب ڈیسک

01st May, 2025. 10:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

اسلام آباد میں تیز آندھی اور بارش کے باعث فلائٹ آپریشن متاثر، متعدد پروازوں کا رخ موڑ دیا گیا
شہباز شریف پاکستانی وفد کے ہمراہ صدرٹرمپ سے ملاقات کیلئے واشنگٹن ڈی سی پہنچ گئے
کزنز کی سیاست میں انٹری کے سوال پر بلاول کا ردعمل سامنے آ گیا
سندھ کا کیا حال ہے،اس پربات نہیں کرنا چاہتی، بلاول پی پی رہنمائوں کو سمجھائیں، مریم نواز

Now Reading:

اسلام آباد میں تیز آندھی اور بارش کے باعث فلائٹ آپریشن متاثر، متعدد پروازوں کا رخ موڑ دیا گیا

وفاقی دارالحکومت اسلام آباد میں تیز ہوا، آندھی اور بارش کے باعث بین الاقوامی ہوائی اڈے پر فلائٹ آپریشن متاثر ہوا، شدید موسمی حالات کے پیش نظر متعدد پروازوں کا رخ دیگر شہروں کی جانب موڑ دیا گیا۔

ایوی ایشن ذرائع کے مطابق اسلام آباد ایئرپورٹ پر لینڈنگ کی کوشش کرنے والی 6 پروازوں کو متبادل ایئرپورٹس کی جانب بھیجا گیا۔

پاکستان انٹرنیشنل ایئرلائن (پی آئی اے) کی کراچی سے اسلام آباد آنے والی پرواز PK-308 نے اسلام آباد ایئرپورٹ پر لینڈنگ کی کوشش کی، تاہم موسم کی شدت کے باعث طیارہ کئی منٹ فضا میں چکر کاٹتا رہا، جس کے بعد پرواز کو ملتان ایئرپورٹ پر لینڈنگ کی ہدایت دی گئی۔ پرواز میں 150 سے زائد مسافر سوار تھے۔

پی آئی اے حکام کے مطابق موسم بہتر ہوتے ہی متاثرہ پرواز کو دوبارہ اسلام آباد روانہ کر دیا جائے گا۔

علاوہ ازیں، فلائے جناح اور اتحاد ایئر ویز کی اسلام آباد آنے والی پروازیں بھی موسم کی خرابی کے باعث ملتان ایئرپورٹ پر اتار لی گئیں۔ فلائٹ انکوائری کے مطابق پی آئی اے کی تین پروازوں سمیت مجموعی طور پر 6 پروازیں متاثر ہوئیں۔

ایئرپورٹ حکام کا کہنا ہے کہ ایئر ٹریفک کنٹرول مسلسل موسمی حالات کی نگرانی کر رہا ہے اور پروازوں کی بحالی کے لیے اقدامات جاری ہیں۔