راولپنڈی : ڈی جی آئی ایس پی آر میجر جنرل احمد شریف نے کہاہے کہ خون کے ایک ایک قطرے کا حساب لیں گے ، بھارت کو حملے کا جواب زمین سے فضا سے اور سمندر سے، ہر جگہ سے دیا جائے گا۔

ڈی جی آئی ایس پی آر نے  پریس کانفرنس کرتے ہو ئے بتایا کہ آج رات بزدل بھارت نے پاکستان پر بلااشتعال جارحیت کی، پاکستان میں 6 مقامات پر بھارت کی جانب سے 24 حملے ہوئےجس میں 8 پاکستانی شہید اور 33 شہری زخمی ہوئے۔

ڈی جی آئی ایس پی آر  لیفٹیننٹ جنرل احمد شریف چوہدری نے بزدلانہ وار کی تفصیلات سے آگاہ کرتے ہوئے بتایا کہ احمد پور شرقیہ میں 5 بے گناہ پاکستانی شہید ہوئے جس میں معصوم بچی شامل ہے۔

 انہوں نے بتایا کہ مظفرآباد میں مسجد بلال کو نشانہ بنایا گیا،ایک بچی زخمی ہوئی،مسجد کو نقصان پہنچا جبکہ کوٹلی مٰیں مسجد عباس کو نشانہ بنایا گیا اور مرید کے میں مسجد کو نشانہ بنایاگیا جس میں ایک شہری شہید  اور ایک شخص زخمی ہوا۔

ڈی جی آئی ایس پی آر کے مطابق سیالکوٹ میں کوٹلی لوہاراں گاوں میں ایک گولہ گرا، شکر گڑھ میں بھی ایک ڈسپنسری کو نقصان ہوا۔

ڈی جی آئی ایس پی آر کا کہنا ہے کہ دشمن کے بلاجواز حملہ کا پاکسانی فوج بھر پور جواب دے رہی ہے

اس سے قبل گفتگو کرتے میجر جنرل احمد شریف نے کہاکہ ملکی سلامتی اور بقا کےلئے پاک فوج متحرک ہے ، بھارت نے عام شہریوں کو نشانہ بنا کر بزدلانہ کارروائی کی ہے ، فضائی میزائل داغے مگرپاک فضا نے بھارت کی ناپاک سازش کو خاک میں ملادیا۔

انہوں نے کہا کہ ان حملوں سے ہونے والے نقصانات کا تخمینہ لگایا جا رہا ہے اور پاکستان اس کا جواب اپنی مرضی کے وقت اور مقام پر دے گا۔